Qazaq24.com, Tengrinews.KZ дереккөзінен алынған мәліметтерге сүйене отырып түсініктеме береді..
Шанхайдан (Қытай) Бангкокқа (Таиланд) бағыт алған Thai Airways International әуе компаниясының рейсі ұшып шыққан әуежайына қайта оралды, деп хабарлайды Tengri Travel.
Bangkok Post мәліметінше, оқиға 4 қарашада болған. TG663 рейсі Шанхай Пудун халықаралық әуежайынан ұшып шыққан. Рейсті Boeing 787-9 Dreamliner лайнері орындаған.
Ұшып шыққаннан кейін көп ұзамай ұшқыштар кабинаның алдыңғы әйнегінің сол жағынан сызат байқаған. Экипаж ұшуды жалғастырмай, Шанхайға қайтуды ұйғарған.
Thai Airways кабина әйнегінің шытынауына байланысты шұғыл қону жасады. Шанхайдан Суварнабхумиге бағыт алған Thai Airways рейсі (TG663) ұшу кезіндегі кабина әйнегінің сызат алуынан кейін шұғыл қонуды сәтті орындады. Ұшқыш қауіпсіз қону үшін әуе кемесінің салмағын азайту мақсатында жанармайды стандартты төгу процедурасын жүргізді. #thailand #china #airline #emergency
— Thai Enquirer (@ThaiEnquirer) November 4, 2026
Қонар алдында ұшақ әуежайды бірнеше рет айналып ұшып, ұшқыштар салмақты азайту үшін жанармайдың бір бөлігін төккен. Содан кейін лайнер Пудун әуежайына сәтті қонды.
Әуе компаниясы не деді?Әуе компаниясы өкілдері жағдайға қатысты пікір білдірді. Олардың жауабына сәйкес қауіпсіздік ережелеріне байланысты Шанхайдың Пудун халықаралық әуежайына қайту туралы шешім қабылданған.
Thai Airways компаниясы 2024 жылдың 4 қарашасында Шанхай – Бангкок бағыты бойынша қатынайтын TG663 рейсінің Шанхай Пудун халықаралық әуежайына қайта оралуына қатысты түсініктеме берді. Ұшқыштар кабинасының алдыңғы әйнегінде сызат пайда болуына байланысты жасалған бұл мәлімдемеде Thai Airways компаниясы келесіні хабарлайды: аталған рейс Шанхайдан жергілікті уақыт бойынша 08:08-де ұшып шыққан. Ұшу барысында ұшқыш кабинаның сол жақ әйнегінен сызат тауып, қауіпсіздік хаттамасына сәйкес кері қайтуды ұйғарды. Оқиға салдарынан зардап шеккендер жоқ. Компания жолаушылар мен экипаж мүшелерін қонақүйге орналастырып, серіктес әуе компаниялары арқылы тасымалдауды ұйымдастырды. Сондай-ақ, 5 қарашадағы TG662 және TG663 рейстеріне жолаушыларды толық қамту үшін сыйымдылығы үлкенірек ұшақтар бөлінді. Компания жолаушылар мен экипаж қауіпсіздігі ең басты басымдық екенін растай отырып, келтірілген қолайсыздықтар үшін кешірім сұрайды. #การบินไทย #thaiairways #FlightAnnoucement #ข่าวชี้แจง #เซี่ยงไฮ้ #Shanghai
— Thai Airways (@ThaiAirways) November 4, 2026
Әуе компания мәліметінше, оқиға салдарынан ешкім зардап шекпеген.
Жолаушылар мен экипаж мүшелері қонақүйлерге орналастырылды. Сондай-ақ, Thai Airways серіктес әуе компанияларымен жолаушыларды басқа рейстерге ауыстыру туралы келісімге келген. Тасымалдаушы жолаушылар мен экипаждың қауіпсіздігі басты басымдық екенін айтып, келтірілген қолайсыздық үшін кешірім сұрады.
Еске салайық, Таиландқа саяхаттауды жоспарлап отырған туристерге жол жүгін тексерудің жаңа ережелерін ескерген жөн. 16 қазаннан бастап жергілікті әуежайлардың қауіпсіздік қызметкерлеріне тексеріс кезінде күдікті заттар анықталса, жолаушылардың тіркелген жол жүгін олар жоқ кезде де ашуға рұқсат берілді.
Тағы оқыңыз: Таиланд туристер үшін алым енгізбек: сомасы аталды
Бізді Google-дың негізгі дереккөздер тізіміне қосыңыз
Қосу