Qazaq24.com, Aikyn.KZ дереккөзінен алынған мәліметтерге сүйене отырып ақпарат бөліседі..

Қазақстан кәсіпқой бокс федерациясы президенті Рахимжан Ерденбеков Жәнібек Әлімханұлының B сынамасы ағзасында тыйым салынған заттың бар екенін растағанын мәлімдеді, – деп хабарлайды Aikyn.kz сайты.

«Жуырда Америкадағы VADA ұйымынан 34 беттен тұратын қорытынды сараптама келіп түсті, және B сынамасы Жәнібек Әлімханұлының допинг қолданғанын растады.

Қазіргі таңда Жәнібекке қатысты юрисдикцияны біздің федерация өз қолына алды. Өйткені, ол — федерациямыздың лицензияланған боксшысы.

Сонымен қатар оның қатысуымен өткен соңғы бокс кеші Астанада, біздің санкциямызбен ұйымдастырылды.

Қазір басты мәселе — ол бұл затты әдейі қабылдады ма, жоқ па? Оның ағзасына қалай түсті?

Әзірге осы сұрақ ашық күйінде тұр», — деді Рахимжан Ерденбеков. Қосымша ақпарат пен соңғы жаңалықтар үшін Qazaq24.com сайтын бақылаңыз.