Босану саны 35% ға артты: Астанада екі перинаталдық орталық бой көтереді

Egemen.KZ парақшасынан алынған деректерге сүйене отырып, Qazaq24.com жаңалық жариялайды..

Астана қаласының әкімі Жеңіс Қасымбек елордада салынып жатқан медициналық нысандардың барысы туралы айтты. Соңғы он жылда қалада босану саны 35% көрсеткішке артқандықтан, акушерлік стационарларға түсетін күш едәуір көбейген. Осы мәселені шешу үшін қалада әрқайсысы 250 орынға арналған екі перинаталдық орталық салынады, деп хабарлайды Egemen.kz.

Фото: Астана қаласының әкімдігі

Қала әкімінің айтуынша, алғашқы перинаталдық орталық «Самұрық-Қазына» қорының қаражаты есебінен салынады. Қазіргі құрылыс жұмыстары жүріп жатыр, нысанды 2027 жылы пайдалануға беру жоспарланған. Ал екінші орталық бойынша биыл жобалау жұмысы аяқталып, 2028 жылы пайдалануға беріледі деп күтіледі.

Цифрлы медицина: MedTech экожүйесін дамыту неге маңызды?

Жедел медициналық жәрдемді дамыту аясында жақын уақытта №2 қалалық көпбейінді аурухана жанындағы қабылдау-диагностикалық кешенінің құрылысы аяқталады. Бұл медициналық көмектің жылдамдығын арттырып, стационарлық көмектің басты нысанына айналмақ. Сол сияқты «Самұрық-Қазына» қорының қолдауымен Сарыарқа ауданында №3 жаңа көпбейінді қалалық аурухананың жобалау жұмысы жалғасып жатыр.

Биыл медицина қызметкерлерінің еңбекақысы өседі

Балаларға көрсетілетін жедел медициналық көмекке де ерекше назар аударылады. Биыл 15 ақпанға дейін Ұлттық шұғыл медицинаны үйлестіру орталығының базасында Нұра және Есіл аудандары үшін балаларға арналған травматологиялық пункт жұмысын бастайды. Бұл оң жағалаудағы балалар травмпунктіне түсетін жүктемені азайтып, медициналық көмектің сапасын арттырады.

«Жалпы алғанда, елордада денсаулық сақтау саласына қатысты 11 жаңа нысанның құрылысы жоспарланған. Олардың қатарында республикалық орталықтар, көпсалалы ауруханалар, емханалар және қосалқы жедел жәрдем стансалары бар», деді Жеңіс Қасымбек.

Соңғы жаңалықтар