Sputnik.KZ дереккөзінен алынған мәліметтерге сүйене отырып, Qazaq24.com түсініктеме жасады..
АСТАНА, 6 наурыз – Sputnik. 6 наурыз таңертең Brent маркалы Солтүстік теңіз мұнайының бір баррелі 86,04 доллар болды.
Кейін ол $85,69 деңгейіне түсті. Ал бір күн бұрын мұнай бағасы $82,34 болған, яғни тәулігіне 1%-дан астам өсті.
Сондай-ақ газ бағасы да қымбаттап жатыр. Еуропа биржасында газдың мың текше метрі 650 доллардан асты, ал Лондондағы ICE биржасының деректері бойынша баға 10%-дан астам көтерілген.
Кейінгі бес күнде Еуропа мен Азиядағы газ бағасы орта есеппен 65%-ға өскен, ал ай ішінде өсім 40%-дан асқан.
Сарапшылардың болжауынша, газ бағасы жақын арада $1500-ға жетуі мүмкін. Еуропалық операторлар ассоциациясының бағалауынша, неміс және француз жер асты қоймалары бар болғаны 20%-ға толы, сондықтан жеткізілімдегі үзілістер мен бағаның шарықтауы осы елдерге айтарлықтай әсер етеді.
Сарапшылар бағаның өсуіне Таяу Шығыстағы қақтығыс басты себеп болды деп есептейді.
28 ақпанда АҚШ пен Израиль Иран Ислам Республикасына қарсы операция бастаған. Тель-Авивтің мәліметінше, операцияның мақсаты — Тегеранның ядролық қару жасауына жол бермеу.
Вашингтон Иран флотын, қорғаныс өнеркәсібін жоямыз деп сес көрсетіп, ел азаматтарын билікті құлатуға шақырды.
Ал Иран жауап ретінде Израиль аумағына және Таяу Шығыстағы америкалық әскери нысандарға соққы жасап жатқанын мәлімдеді.