Sputnik.KZ парақшасындағы деректерге сәйкес, Qazaq24.com ақпарат таратты..
АЛМАТЫ, 15 шілде - Sputnik. Қостанай облысында екі ауылдың малында бруцеллез анықталды. Ауылдарға шектеу шаралары енгізілді, деп хабарлайды облыстық ветеринария басқармасы.
Қазанбасы ауылының елді мекенінде бруцеллезге жоспарлы диагностикалық зерттеулер жүргізілген. Полимеразды-тізбекті реакция әдісімен жүргізілген зертханалық зерттеулердің нәтижесінде ауру жануарлар анықталды.
"Қазанбасы ауылында 323 басты зерттеу барысында 23 бас анықталып, санитарлық союға тапсырылды. Диагноз полимеразды-тізбекті реакция әдісімен расталды. Қазіргі уақытта бруцеллезден сауықтыру мақсатында шектеу шараларын белгілеу бойынша жұмыстар жүргізілді. Сауықтыру іс-шаралары жануарлар арасында бруцеллез инфекциясын азайту мақсатында жүргізіледі", - дейді басқарма.
Осы жағдайға қарамастан Әулиекөл ауданы бойынша динамика оң күйінде қалып отыр. Егер 2025 жылдың бірінші жарты жылдығында жұқтыру пайызы 1,9% құраса, биылғы жылдың ұқсас кезеңінде бұл көрсеткіш 0,8%-ға төмендеді. Халықтың денсаулығын қорғауға да ерекше көңіл бөлінуде, дейді ветеринария басқармасы.
"Соңғы жылдары адамдардың сырқаттану деңгейі едәуір төмендеді. 2023 жылы 16 адам, 2024 жылы 7, 2025 жылы 6 және биылғы жартыжылдықта бруцеллезбен 2 адам ауырды", - дейді ведомство.