Qazaq24.com, Sputnik.KZ дереккөзінен алынған ақпаратқа сүйене отырып мәлімет бөліседі..
АСТАНА, 14 шілде – Sputnik. Ұлттық банк төрағасы Тимур Сүлейменов цифрлық теңгені міндетті түрде қолдану көзделген салаларды атады, деп хабарлайды Sputnik Қазақстан тілшісі.
Оның айтуынша, Қазақстанда цифрлық теңгені енгізу жұмыстары жалғасып жатыр.
"Қаржы министрлігімен бірлесіп, бірқатар мемлекеттік шығысқа цифрлық теңгені міндетті түрде қолдану тәртібі регламенттелді", – деді Сүлейменов үкіметтің бүгінгі отырысында.
Цифрлық теңге мынадай бағыттарда міндетті түрде қолданылады:
медициналық бұйымдарды, көлік құралдарын, жанар-жағармай материалдарын және басқа да тауарларды сатып алу кезінде;
автомобиль жолдарын салу мен энергетика саласының инфрақұрылымын жаңғырту жобаларында;
бюджеттік кредиттер беру және шағын және орта бизнесті қолдау кезінде;
салықтық әкімшілендіру саласында.
Премьер-министр Олжас Бектенов цифрлық теңгені енгізу жұмыстарын жеделдетуді тапсырды.
"Бізге ашықтық керек", – деді премьер-министр.