Даму қоры шалғай өңірлердегі бизнеске қолдауды күшейтеді

Egemen.KZ дереккөзінен алынған мәліметтерге сүйене отырып, Qazaq24.com түсініктеме жасады..

«Даму қоры» шалғай елді мекендердегі кәсіпкерлер үшін мемлекеттік қолдау тетіктерін қолжетімді ету мақсатында мобильді фронт-офистер жұмысын бастайды. Жоба Үкіметтің қолдауымен, Мемлекет басшысының шағын және орта бизнесті қолдау шараларымен кеңінен қамту жөніндегі тапсырмасы аясында жүзеге асырылады, деп хабарлайды Egemen.kz.

Жаңа бастаманың басты мақсаты – шағын қалалар, аудан орталықтары мен ауылдардағы кәсіпкерлерге мемлекеттік бағдарламалар туралы түсіндіру жұмыстарын жүргізу, сондай-ақ сол жерде өтінім қабылдау арқылы қолдау алу үдерісін жеңілдету.

Жоба аясында қор мамандары жергілікті жерлерге шығып, кәсіпкерлермен тікелей кездеседі. Бұл жұмысқа әкімдіктер, «Атамекен» ұлттық кәсіпкерлер палатасы және екінші деңгейлі банктердің өкілдері де тартылады. Мобильді топтар әсіресе моноқалалар, аудан орталықтары мен ауылдық елді мекендерді қамтиды.

Жоба өңірлерде жүзеге асырылып жатқан «Іскер аймақ» бағдарламасымен де сабақтас. Оның мақсаты – жергілікті шикізатты өңдеу арқылы өңірлік әлеуетті нақты өндірістік жобаларға айналдыру және ауыл кәсіпкерлерінің белсенділігін арттыру.

Мобильді фронт-офистер аясында кәсіпкерлер тек «Даму қоры» қызметімен ғана шектелмейді. «Бәйтерек» холдингінің бірыңғай фронт-офисі арқылы «Қазақстанның Даму Банкі», «Өнеркәсіпті дамыту қоры», «Экспорттық-кредиттік агенттік» және «Qazaqstan Investment Corporation» ұсынатын қолдау құралдары туралы да кеңес алуға болады.

Олардың қатарында несие мөлшерлемесін субсидиялау, кепілдік беру, жеңілдетілген несиелеу, лизингтік қаржыландыру, микроқаржыландыру, экспорттық жобаларды қолдау, өңдеу саласын дамыту, сондай-ақ оқыту мен кеңес беру секілді қаржылай және қаржылай емес қолдау тетіктері бар.

Шағын бизнес неге жабылып жатыр? Министр себептерін атады

Мобильді фронт-офистер «Қазақстан» бойынша 17 өңірде жұмыс істейді. Алайда «Астана», «Алматы» және «Шымкент» бұл тізімге кірмейді. Сапарлар арнайы бекітілген кесте бойынша апта сайын ұйымдастырылады, ал кәсіпкерлік белсенділік жоғары аймақтарда олардың жиілігі артуы мүмкін.

Жобаның негізгі нәтижесі – ауыл мен қала арасындағы географиялық алшақтықты азайтып, мемлекеттік қолдау құралдарын барша кәсіпкерге тең дәрежеде ұсыну. Осылайша ауылдағы бизнес өкілдері де ірі қалалардағы кәсіпкерлермен бірдей мүмкіндіктерге ие болады. Бұл ел аумағында кәсіпкерліктің теңгерімді дамуына жол ашады.

Соңғы жаңалықтар

Шаруаларға талап күшейеді: Топырақты бақыламаса, субсидия берілмейді

Шаруашылық • Бүгін, 10:00

Елордада LRT стансасынан өрт шықты

Елорда • Бүгін, 09:55

Такси үшін жаңа талап енгізілді: Енді апат болған жағдайда тасымалдаушыны анықтау жеңілдейді

Қоғам • Бүгін, 09:47

Рудныйда жедел жәрдем көлігі жаяу жүргіншіні қағып кетті

Оқиға • Бүгін, 09:28

Бүгінгі теңге бағамы қандай?

Қаржы • Бүгін, 09:17

Ұлы Отан соғысының ардагері Кенжебай Мәденовке «Халық қаһарманы» атағы берілді