Qazaq24.com, Egemen.KZ дереккөзінен алынған мәліметтерге сүйене отырып жаңалық жариялады..
Алматының барлық емханасына ADMC жобасы аясында дауыс роботтары енгізілді, деп жазады Egemen.kz.
Фото: Алматы қаласының әкімдігі
Дауыс роботтары күн сайын қала тұрғындарына вакцинация, скрининг, флюорография және профилактикалық тексеруден өту бойынша қоңырау шалады.
Бұған дейін медбикелер күніне 15-20 ем алушыға ғана қоңырау шалып, бұл іске біршама уақыт пен энергиясын жұмсап келген. Енді медбикелердің жұмысын дауыс роботтары жеңілдетпек.
Роботтар қазақ және орыс тілдерінде сөйлейді және жауап алғанға дейін қоңырау шалуын тоқтатпайды.
Жасанды интеллект жүйесінің арқасында олар мыңдаған қоңырауды бір уақытта өңдей алады, бұл емханалардың жұмыс істеу тиімділігін арттырады.
Жобаны Almaty Digital Medical Center жүзеге асырған. Орталықта дәрігерлердің науқастарға көбірек уақыт арнауына мүмкіндік беретін 1312 бірыңғай байланыс орталығы жұмыс істейді. Сондай-ақ, телемедициналық патронаж және онлайн-кеңес жүйесі де енгізілген.