Qazaq24.com, Tengrinews.KZ дереккөзінен алынған мәліметтерге сүйене отырып түсініктеме береді..
Саяхатшылар серуендеу мен экскурсияның орнына ұзаққа созылған жаңбырға тап болса, көптен күткен сапар көңілсіз аяқталуы мүмкін. Енді Еуропаның кейбір елдерінде Airbnb арқылы баспана жалдайтын саяхатшылар ауа райы бұзылған күндерге өтемақы ала алады. Жаңа сақтандыру жүйесі қалай жұмыс істейтіні туралы Tengri Travel баяндайды.
Жүйе қалай жұмыс істейді?
Airbnb сервисі "Қолайсыз ауа райынан қорғау" атты арнайы сақтандыру өнімін іске қосты. Ол сапар кезінде жауын-шашын белгіленген шектен асып кеткен жағдайда автоматты түрде төлем жасауды қарастырады.
Сақтандыруды Еуропаның он елінде: Австрия, Дания, Франция, Германия, Ирландия, Италия, Нидерланд, Польша, Испания және Швецияда Airbnb арқылы баспана брондайтын туристер рәсімдей алады.
Қалай рәсімдеуге болады?Егер брондау бағдарлама шарттарына сәйкес келсе, тапсырысты рәсімдеу бетінде тиісті таңдау пайда болады. Сондай-ақ оны кейіні - растау хатындағы немесе брондау мәліметтеріндегі "Сапарға қосу" батырмасы арқылы қосуға болады.
Сатып алғаннан кейін электрондық поштаңызға толық шарттары жазылған сақтандыру полисі келеді.
Қанша ақша алуға болады?Егер ауа райы демалыстың шырқын бұзса, ақша әрбір күнге есептеледі. Егер сіз тұрған аумақта сағат 08:00-ден 20:00-ге дейін сағатына 1,5 миллиметрден аса жауын-шашын түссе, сізге өтемақы төленуі тиіс. Сақтандыру күшіне енетін нақты жаңбырлы сағаттар саны полисте көрсетіледі.
Брондау шарттарына байланысты күніне 50-ден 1000 еуроға дейін (25 000-нан 500 000 теңгеге дейін) немесе жергілікті валютада балама сома төленеді.
Бұл ретте жаңбыр жауғанын дәлелдеудің, суреттер жіберудің немесе анықтама жинаудың қажеті жоқ. Жауын-шашын мөлшері нормадан асқан бойда сізге Airbnb қосымшасында хабарлама немесе ақша алуға арналған төлем порталына сілтемесі бар хат келеді.
Айта кетейік, жақында Airbnb қолдау қызметі жалға берушілерге арналған ережені жаңартты. Енді баспана иелеріне қонақтардан ыдыс жууды, төсек-орын жабдықтарын жинауды немесе үйден тыс жерге қоқыс шығаруды талап етуге тыйым салынады.
Тағы оқыңыз: Виза бар, бірақ кіруге тыйым салынған: билет пен қонақүйге төленген ақша не болмақ?
Бізді Google-дың негізгі дереккөздер тізіміне қосыңыз
Қосу