Qazaq24.com, Sputnik.KZ дереккөзінен алынған мәліметтерге сүйене отырып жаңалық жариялады..
АСТАНА, 20 қазан – Sputnik. Үкімет жанындағы цифрлық штабтың шешімімен Astana Hub-та қолдау табатын стартаптардың тізбесі кеңейтілді, деп хабарлайды Sputnik Қазақстан.
IT-стартаптар технопаркі қызметінің басым түрлерінің тізбесіне енген бағыттар:
мультимедиа;
ойындардың дизайнын жасау мен басып шығару;
бағдарламалық қамтамасыз етуді енгізу, сүйемелдеу және түрлендіру;
киберспорт саласындағы қызметтер.
"Бұдан басқа, аталған тізбе ҚР резиденті еместерге бағдарламалық қамтуды пайдалана отырып, бизнес-процестер аутсорсингі, ағылшын тілін оқыту сияқты қызметтермен толықтырылды. Қызметтер аясын кеңейту Astana Hub-тың жаһандық технологиялық қоғамдастықты тарту орталығы ретіндегі ұстанымын күшейте түседі", - делінген ресми хабарламада.
Уәкілетті органдар "Astana Hub халықаралық IT-стартаптар технопаркі" корпоративтік қорын өңірлік инновациялар және кәсіпкерлік орталығы ретінде нығайту үшін 2025 жылғы 10 қарашаға дейін ақпараттық-коммуникациялық технологиялар саласындағы басым қызмет түрлерінің тізбесін кеңейтуге тиіс.