Tengrinews.KZ парақшасынан алынған деректерге сүйене отырып, Qazaq24.com хабарлама жасады..
Доллар бағамы алдағы уақытта қалай өзгереді және оның одан әрі өсуіне негіз бар ма? Мәжіліс кулуарында Ұлттық банк төрағасы Тимур Сүлейменов осы сұраққа жауап берді, - деп хабарлайды Tengrinews.kz.
Доллар бағамы алдағы уақытта қалай өзгереді және оның одан әрі өсуіне негіз бар ма? Мәжіліс кулуарында Ұлттық банк төрағасы Тимур Сүлейменов осы сұраққа жауап берді, - деп хабарлайды Tengrinews.kz.
ТолығырақТимур Сүлейменовтің айтуынша, Ұлттық банк әзірге бағамның күрт өсуіне ешқандай негіз көріп отырған жоқ.
"Бағам - маусымдық құбылыс""Доллар бағамына келетін болсақ, оның жазда да, күзде де күрт өсуіне ешқандай іргелі немесе нарықтық алғышарттарды көріп тұрған жоқпыз", - деді Ұлттық банк басшысы.
Сүлейменов бағамның ауытқуы маусымдық факторларға байланысты болуы мүмкін екенін түсіндірді. Оның айтуынша, жазда демалыс маусымының басталуына орай шетелдік валютаға деген сұраныс дәстүрлі түрде артады.
Ол бұны көкөніс пен ет бағасымен салыстырды.
"Маусымдық құбылыс көкөніс, ет бағасында және басқа да заттарда бар. Тіпті тарифтерде де: жазда үйдә жылытпайтындықтан аз төлейміз, ал күз бен қыста жылу үшін көбірек төлейміз. Сондықтан доллар бағамының да өз кезеңдері бар. Жазда адамдар демалысқа және басқа да мақсаттарға валюта сатып алады", - деп түсіндірді Сүлейменов.
Сондай-ақ ол жаз бен күз айларында ірі компаниялар құрылыс маусымында көбірек жобаларды іске асырып үлгеру үшін шетелдік жабдықтар мен материалдарды белсенді түрде сатып алатынын атап өтті. Ұлттық банк басшысының айтуынша, сол себепті жыл басында бағам әдетте төмендейді, ал жыл ортасы мен аяғына қарай өсе бастайды.
Тағы не белгілі?"Сондықтан биыл да осындай үрдіс болады деп ойлаймыз. Бірақ ол ерекше бір жағдай болмайды, қалыптасқан тарихи мәндер шеңберінде болады. Күрт көтерілу күтілмейді", - деп сендірді Ұлттық банк төрағасы.
Бұған дейін Ұлттық банк доллар неге қымбаттай бастағанына және алда не күтіп тұрғанына қатысты пікір білдірген болатын.
"Меніңше, бұл жағдай үлкен таңғалыс тудырмауы керек. Бұрынғы долларына 500 теңге шамасындағы бағам мұнай бағасы барреліне 65–70 доллар болған кезде қалыптасқан еді. Негізгі экспорттық тауарымыз, біздің жағдайда мұнай екі есеге жуық қымбаттағанда, валюталық түсім артады. Теңге бағамының нығаятыны анық", - деп түсіндірді Тимур Сүлейменов.
Ұлттық банк басшысы сол кезде бағамға тек валюта ұсынысы ғана емес, оған деген сұраныс та әсер ететінін баса айтқан.
Google News арқылы жаңалықтарымызды қадағалаңыз
Жазылу