Qazaq24.com, Sputnik.KZ дереккөзінен алынған ақпаратқа сүйене отырып жаңалық таратты..
АСТАНА, 20 наурыз – Sputnik. Украина келесі қысқа дайындалу үшін Еуроодақтан қосымша 5,5 миллиард еуро талап етіп отыр, бірақ Венгрия қарсы, деп мәлімдеді Венгрияның сыртқы істер министрі Петер Сийярто.
"Украиналықтар тағы 5,5 миллиард еуро сұрады, бірақ олар әлі күнге дейін мұнай тасымалдауды қайта бастаған жоқ. Біз олардан осыны талап етіп отырмыз. Венгриямен ойнауға болмайды, Венгрияны бопсалауға болмайды. Мұнай тасымалдауды бұғаттау жалғасып жатқанда, Брюссельде украиналықтар үшін маңызды немесе оларға ақша әкелетін шешім қабылданбайды", - деп келтіреді РИА Новости Сийяртоның сөзін.
Оның айтуынша, Украина премьер-министрі Киевте Еуроодақ делегацияларының басшыларын, соның ішінде Венгрия елшісін жинап, келесі қыста әскери әрекеттерге дайындалу үшін қосымша 5,5 миллиард еуро сұраған.
Венгрия Украинаға несие беруді немесе Еуроодақтың Ресейге қарсы 20-шы санкциялар пакетін Киев "Дружба" құбыры арқылы ресейлік мұнай транзитін қайта іске қоспайыша мақұлдамайтынын хабарлады.
Венгрия билігі бұл несиені кепілдендіруге қатыспайтынын, бірақ кем дегенде оны беруге кедергі келтіруді тоқтататынын жеткізді.