Qazaq24.com, Inform.KZ дереккөзінен алынған мәліметтерге сүйене отырып мәлімдеме жасады..
Заңды таныстырған Қаржы министрінің орынбасары Ержан Біржанов бұл құжат Қазақстанның транзит әлеуетін арттырып, салаға тәртіп орнататынын айтады.
- Еуразиялық экономикалық одаққа мүше мемлекеттердің басшылары қол қойған кедендік транзиттің бірыңғай жүйесі туралы келісім – ұйым аясындағы транзитті реттейтін үшінші маңызды халықаралық шарт. Ол кедендік транзиттің бірыңғай жүйесінің негізгі қағидаттарын айқындап, үшінші елдермен халықаралық шарттар жасасу талаптарын белгілейді, - деді вице-министр.
Айтуынша, ЕАЭО аумағындағы барлық жағдайлар мен процестерді стандарттауға мүмкіндік береді.
Сонымен бірге мынандай өзгерістерге:
- транзит кезінде кедендік операцияларды бірыңғай тәртіппен жүргізуге;
- транзиттік декларацияның бірыңғай мәліметтерін пайдалануға;
- кедендік баждар мен салықтарды төлеудің бірыңғай тәртібін қолдануға;
- кедендік операцияларды жасау кезінде ақпарат алмасуды жеделдетуге;
- навигациялық пломбалар арқылы тауарларды жеткізу уақытын қысқартуға;
- тасымалдаушылар мен бизнес шығындарын төмендетуге ықпал етеді.
Еске салсақ, Премьер-министр Олжас Бектенов Шымкентте өткен Еуразиялық үкіметаралық кеңестің кеңейтілген құрамдағы отырысында жүк ағындарын үйлестірудің интеграцияланған платформасын құруды ұсынған.