Qazaq24.com, Sputnik.KZ дереккөзінен алынған мәліметтерге сүйене отырып ақпарат бөліседі..
АСТАНА, 5 қаңтар – Sputnik. Бағалы металдардың қалдықтары мен сынықтарын әкелуге салынатын кедендік баждың нөлдік мөлшерлемесі 2028 жылдың 31 желтоқсанына дейін белгіленді, деп хабарлады Еуразиялық экономикалық комиссия.
"ЕАЭО аффинаждық кәсіпорындарының өндірістік қуат деңгейі сақталып, сондай-ақ қалдықтар мен бағалы металдардың сынықтарын тұтыну көлемі артты. Яғни нөлдік баж ставкасының тиімді екені расталды", - деп атап өтті ЕЭК кедендік-тарифтік және тарифтік емес реттеу департаментінің директоры Ваагн Казарян.
Оның айтуынша, физика-химиялық қасиеттеріне байланысты бағалы металдар әртүрлі салаларда қолданылады, ал бастапқы шикізат көздері шектеулі.
ЕАЭО-ның бағалы металдардың қалдықтары мен сынықтарына қатысты кедендік әкелу баждарының қолданыстағы мөлшерлемесі кедендік құнның 15%-ін құрайды.
Шешім ресми жарияланған күнінен бастап 30 күнтізбелік күн өткен соң күшіне енеді.
ЕЭК алқасының бұрын қабылданған шешіміне сәйкес қаралатын тауарларға қатысты кедендік құнның 0% мөлшерінде кедендік әкелу баждарының ставкалары 2015 жылғы маусымнан 2025 жылғы желтоқсанның соңына дейін қолданылды.