Qazaq24.com, Sputnik.KZ дереккөзінен алынған мәліметтерге сүйене отырып түсініктеме береді..
АСТАНА, 11 наурыз – Sputnik. Еуразиялық экономикалық комиссия алқасы 10 наурызда Еуразиялық экономикалық одақ (ЕАЭО) елдерінде халықаралық автокөлік тасымалы кезінде қауіпті жүктерді тасымалдауға берілетін арнайы рұқсаттарды рәсімдеу тәртібін үйлестіруге қатысты ортақ тәсілдерді мақұлдады.
Құжатта барлық мүше мемлекет үшін арнайы рұқсаттарды беру мерзімін және олардың қолданылу уақытын айқындауға, сондай-ақ өтініштің нысаны мен онда көрсетілетін мәліметтерге қатысты ортақ ұсынымдар белгіленген.
Ұсынымға сәйкес, ЕАЭО елдеріне келесі мерзімдерді белгілеу ұсынылады:
арнайы рұқсатты беру мерзімі – 6 жұмыс күнінен аспауға тиіс;
арнайы рұқсаттың қолданылу мерзімі – 1 күнтізбелік жылдан аспауы керек.
ЕЭК-тің энергетика және инфрақұрылым министрі Арзыбек Кожошевтың айтуынша, бұл бастама тасымалдаушылар үшін рұқсат алу процесін жеңілдетеді. Сонымен қатар, көлік-логистикалық және бақылау-қадағалау рәсімдері кезінде шығынды азайтуға мүмкіндік береді.