Sputnik.KZ парақшасындағы деректерге сәйкес, Qazaq24.com ақпарат таратты..
АСТАНА, 29 мамыр – Sputnik. ЕЭК алқасының төрағасы Бақытжан Сағынтаев Еуразиялық экономикалық одақ күнімен құттықтады.
Мереке 2022 жылы Жоғары Еуразиялық экономикалық кеңестің шешімімен белгіленді және 2014 жылдың 29 мамырында ЕАЭО туралы шартқа қол қойылған күнге орайластырылған.
Соңғы 12 жылда көпжақты ынтымақтастықтың табысты интеграциялық моделі құрылды, экономикалық одақтың беріктігі мен өміршеңдігі қамтамасыз етілді және оның дамуы қазіргі заманғы жаһандық үрдістерге сәйкес жалғасуда.
Экономикада цифрлық технологиялар мен жасанды интеллектті қолдану Еуразиялық "бестік" елдері арасындағы ынтымақтастықтың маңызды саласына айналды, деді Сағынтаев.
"ЕАЭО болашағы цифрлық трансформация ғана емес. Бұл біздің елдеріміздің интеллектуалдық және технологиялық әлеуетін дамыту, Одақтың жаһандық цифрлық архитектурадағы орнын нығайту", - деді ЕЭК Алқасының басшысы.
Оның айтуынша, Еуразиялық экономикалық одақты қазірдің өзінде жаһандық маңызы бар экономикалық тартылыс полюсі деп атауға болады.