Qazaq24.com, Tengrinews.KZ дереккөзінен алынған мәліметтерге сүйене отырып мәлімдеме жасады..
Қазақстандықтар eGov.kz порталына кірудегі қиындықтарға шағымданды. "Ұлттық ақпараттық технологиялар" АҚ (ҰАТ) жағдайға қатысты түсініктеме берді, деп хабарлайды Tengrinews.kz тілшісі.
"Қосымша қатып қалды"
20 тамызда қазақстандықтар eGov.kz порталына кіру кезінде тағы да қиындықтарға тап болды. Бұл жолы іркіліс eGov Mobile мобильді қосымшасында болған. Пайдаланушылар қосымшаның қатып қалғанын және электрондық үкімет сервистерін пайдалану мүмкін болмағанын хабарлады.
Анықтама: eGov (Егов) - азаматтар мен ұйымдар мемлекеттік қызметтерді онлайн форматта ала алатын, соның ішінде ХҚКО-ға бармай-ақ түрлі анықтамалар мен құжаттарды рәсімдеуге мүмкіндік беретін ресми электрондық портал.
Телефон экранынан скриншот
"ҰАТ" АҚ не деп жауап берді?Сонымен қатар "Ұлттық ақпараттық технологиялар" АҚ жағдайға қатысты түсініктеме берді.
"Сыртқы интернет-трафиктің белсенділігі артуына байланысты қазақстандық интернеттің қорғаныс механизмдері іске қосылды, бұл интернеттегі жекелеген мемлекеттік сайттардың қысқа мерзімді қолжетімсіздігіне әкеп соқты. Қорғаныс механизмдері сыртқы белсенділікке дер кезінде жауап беріп, ұлттық цифрлық инфрақұрылымның қауіпсіздігін қамтамасыз етті", - деп түсіндірді ҰАТ өкілдері.
Сондай-ақ компания қазіргі уақытта трафик қалпына келтірілгенін, ресурстарға қолжетімділік штаттық режимде жүзеге асырылып жатқанын атап өтті.
"Мамандар жағдайды бақылауды және цифрлық сервистерге тұрақты қолжетімділікті қамтамасыз ету жұмыстарын жалғастырып жатыр. "ҰАТ" АҚ-ның барлық жүйелері мен инфрақұрылымы штаттық режимде жұмыс істеп тұр. Іркілістер туралы ақпаратты растамаймыз", - деп хабарлады "Ұлттық ақпараттық технологиялар" АҚ.
Еске сала кетейік, тамыз айының басында да пайдаланушылар портал жұмысындағы іркілістерді байқаған болатын: кейбірінде сайт ашылмаса, енді бірінде беттер ұзақ жүктелген немесе мемлекеттік қызметтерді пайдалану кезінде қателер шыққан. Ол кезде ҰАТ іркілістер порталдың жаңартылуымен байланысты екенін мәлімдеген еді.
Бұған дейін eGov 3.0 іске қосылғаннан кейін көптеген қазақстандықтар сынға алды. Пайдаланушылар, атап айтқанда, қаріптің ұсақтығына, бөлімдердің үйреншікті емес орналасуына және қажетті қызметтерді іздеудегі қиындықтарға шағымданды.
Тағы оқыңыз: Қазақстандықтар eGov арқылы кремацияға келісім бере алады
Google News арқылы жаңалықтарымызды қадағалаңыз
Жазылу