Aikyn.KZ парақшасынан алынған деректерге сүйене отырып, Qazaq24.com жаңалық жариялайды..
Индонезияның Джакарта қаласында бокстан U19 және U23 жас санатында Азия чемпионаты басталды, – деп хабарлайды Aikyn.kz.
Алғаш болып U23 санатындағы спортшылар жарыс жолына шықты. Бүгін, 6 шілдеде Қазақстан құрамасының атынан екі боксшы сынға түсті.
Күндізгі сессияда Асылхан Көшербай 65 келіге дейінгі салмақтың 1/8 финалында Бутан өкілі Дечен Дорджимен қолғап түйістірді. Нәтижесінде қазақстандық боксшы үш раундтың қорытындысы бойынша 5:0 есебімен жеңіске жетті. Осылайша ол ширек финалға жолдама алды.
ҚР ҰОК мәліметінше, кешкі сессияда Нұрасыл Төлебек 60 келіге дейінгі салмақтың 1/8 финалында Тәжікстан боксшысы Дамир Мубалихоновпен кездесті. Нәтижесінде Нұрасыл төрешілердің шешімі бойынша қарсыласын 4:1 есебімен тізе бүктіріп, ширек финалға шықты.
Айта кетейік, Азия чемпионаты 16 шілдеге дейін жалғасады.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.