Qazaq24.com, Aikyn.KZ дереккөзінен алынған мәліметтерге сүйене отырып ақпарат бөліседі..
Қазақстандық теннисші Елена Рыбакина WTA 500 санатындағы Brisbane International турнирінде кезекті жеңісіне қол жеткізді, – деп хабарлайды Aikyn.kz сайты.
1/8 финалдық кезеңде ол испаниялық, бұрынғы әлемнің екінші ракеткасы Паула Бадосаға қарсы ойнап, 6:3, 6:2 есебімен айқын басымдықпен жеңіске жетті. Кездесу 1 сағат 26 минутқа созылды.
Бұл жеңістің арқасында Рыбакина турнирдің ширек финалына жолдама алды. Енді ол келесі кезеңде чехиялық Каролина Мухова (WTA №20) мен ресейлік Екатерина Александрова (WTA №10) арасындағы кездесудің жеңімпазымен ойнайды.
Айта кетейік, Brisbane International турнирінің 2026 жылғы жүлде қоры – 1 691 602 АҚШ доллары. Чемпион 214 530 доллар мен 500 рейтингтік ұпай алады. Елена Рыбакина бұл турнирде 2024 жылы да бас жүлдені иеленген болатын.