Qazaq24.com, 24.KZ дереккөзінен алынған ақпаратқа сүйене отырып мәлімет бөліседі..
Елде 300 мың педагог жасанды интеллектіні қолдану бойынша курстан өтті.
Бұл жайында Оқу-ағарту министрлігі хабарлады. Оқу бағдарламасы барлық өңірді қамтып, педагогтерге цифрлық құралдарды тиімді қолдануды үйретті. Тегін онлайн-бағдарлама «Өрлеу» платформасында орналасқан және елдегі барлық педагогтер үшін қолжетімді. Қатысушылар оқу материалдарын өздеріне ыңғайлы уақытта меңгеріп, курсты аяқтағаны туралы куәлік ала алады. Бағдарлама халықаралық тәжірибеге негізделіп, қазақстандық білім беру жүйесінің ерекшеліктеріне бейімделе әзірленген.
Асылбек Ахметжанов, ҚР Оқу-ағарту вице-министрі:
- Президент Қасым-Жомарт Тоқаев барлық саланы, оның ішінде білім беруді цифрландыру жөнінде тапсырма берген болатын. Соған сәйкес, Оқу-ағарту министрлігі Үкімет арқылы мұғалімдердің жүктемесін азайтуға, оқушылардың ЖИ сауаттылығын арттыруға бағытталған бірқатар шараны жүзеге асырып жатыр. Оқушылар арасында ЖИ сауаттылығын арттыруға ерекше көңіл бөлінбек.