Qazaq24.com, Egemen.KZ дереккөзінен алынған мәліметтерге сүйене отырып ақпарат жариялайды..
Фото: Коллажды жасаған – Амангелді Қияс, «ЕQ»
Кездесу барысында тараптар екінші деңгейлі банктердің Банкаралық мобильді төлемдер жүйесіне қатысу мәртебесін, сондай-ақ мобильді аударымдар мен QR-төлемдер сервистерін енгізудің алдағы қадамдарын талқылады. Нәтижесінде бірыңғай QR жүйесін биылғы 7 шілдеден бастап кезең-кезеңімен кеңейту және оны 19 шілдеде толық іске қосу туралы шешім қабылданды.
Сонымен қатар екінші деңгейлі банктердің цифрлық активтер нарығы субъектілерімен өзара іс-қимылы, цифрлық теңгені пайдалану, сондай-ақ банктерге мемлекеттік ақпараттық сервистерге қолжетімділік беру тәртібін жетілдіру мәселелеріне ерекше назар аударылды.
Цифрлық активтер нарығын реттеуҚаржы нарығын реттеу және дамыту агенттігінің мәліметінше, 2026 жылғы 1 мамырдан бастап Қазақстанда цифрлық активтер нарығын реттеудің жаңа қағидалары күшіне енді. Енді криптовалютаны айырбастау қызметін көрсететін компаниялар Ұлттық банктен лицензия алғаннан немесе есептік тіркеуден өткеннен кейін ғана жұмыс істей алады.
Реттеушілік «құмсалғыш» аясында Ұлттық банк цифрлық қаржы активтерін дамытуға бағытталған жобаларды мақұлдады. Олардың қатарында:
теңгемен қамтамасыз етілген стейблкоинді шығару және айналымға енгізу; материалдық құқықтармен қамтамасыз етілген цифрлық активтерді құру; криптоәмияндарды толықтыру үшін электрондық ақшаны біріктіру жобалары бар.Жалпы, Ұлттық банк цифрлық активтердің айналымын реттеуге арналған 16 қаулы жобасын әзірледі. Бұл құжаттар ұлттық деңгейде бірыңғай, реттелетін әрі инклюзивті цифрлық активтер нарығын қалыптастыруға, нарықтың ашықтығын арттыруға және алаяқтық тәуекелдерін азайтуға бағытталған.
Сонымен қатар Қазақстан қор биржасы (KASE) цифрлық қаржы активтерін шығару және айналымға енгізуге арналған платформаны таныстырды. Ол Қазақстанның реттелетін цифрлық нарық инфрақұрылымының бір бөлігіне айналады.
Цифрлық теңге️Полиция ескертеді: Көшедегі күмәнді QR-кодтардан сақ болыңыз
Цифрлық теңге Қазақстанның ұлттық валютасының үшінші ресми нысаны болып бекітілді. Осылайша, ол қолма-қол және қолма-қолсыз ақшаны толықтырды.
Ұлттық банк басқармасының 2026 жылғы 29 сәуірдегі қаулысымен цифрлық теңгені шығару, айналымға енгізу және өтеу қағидалары бекітілді. Құжат 2026 жылғы 19 шілдеден бастап күшіне енеді.
Ұлттық банк цифрлық теңге платформасының операторы болып саналады және қарапайым ақшаны цифрлық теңгеге айырбастау арқылы оны эмиссиялайды.
Цифрлық теңге – инвестициялық құрал емес: Ұлттық банк азаматтарға ескерту жасады
Ұлттық банк төрағасы Тимур Сүлейменовтің айтуынша, қазіргі уақытта электрондық нысанда шамамен 340 млрд теңге шығарылған. Болашақта цифрлық теңгенің айналым көлемін 2 млрд долларға дейін жеткізу жоспарланып отыр.
2026 жылы Үкіметпен бірлесіп цифрлық теңгені пайдалану кезінде алаяқтық схемалардың алдын алу үшін жасанды интеллект енгізіледі. Сонымен қатар бюджеттік үдерісте цифрлық теңгені қолдану аясын кеңейту көзделіп отыр.
Кездесу қорытындысы бойынша қатысушылар қаралған мәселелер бойынша пікір алмасты және оларды одан әрі іске асыру үшін бірлескен жұмысты жалғастыруға дайын екендерін атап өтті.
Еске салайық, бұған дейін хабарлағанымыздай, еліміздің бірыңғай банкаралық QR-кодын қолдану мүмкіндігі енді шетелдерде де қолжетімді болады.