24.KZ парақшасынан алынған ақпаратқа сүйене отырып, Qazaq24.com хабарлама жасады..
Үзілістен соң елдегі банктер ипотекалық бағдарламаларды қайта іске қосты. Мәселен, 28 қазаннан бастап қаржылық ұйымдардың бірі ипотекалық өтінімдерді қабылдауды бастаған. Сол сияқты «Цифрлық ипотека» қызметі де қайта жанданды.
Екінші деңгейлі банктер азаматтар үшін «7-20-25» бағдарламасына қатысып, бастапқы 20 пайыздық жарна арқылы баспаналы болуға жол ашып отыр. Бұдан бөлек, 22,5 пайыздық мөлшерлемемен ипотекалық бағдарламалар да жүзеге асуда. Десе де кей банктерде үзіліс әлі де жалғасуда. Жуық арада олар ұтымды шарттар мен несиенің жаңа талаптарын тұтынушы назарына ұсынбақ.
Айта кеткен жөн, бұған дейін ипотека бойынша жылдық тиімді сыйақы мөлшерлемесінің шегін қараша айынан бастап 25 пайыздан 20 пайызға дейін төмендету жоспарланған. Алайда 23 қазанда Қаржы нарығын реттеу және дамыту агенттігі мен Ұлттық банк ипотека бойынша максималды мөлшерлемені төмендетуді келер жылдың 1 шілдесіне дейін шегеріп, шекті деңгейді 25 пайыздық мөлшерлемеде қалдырды.