Qazaq24.com, Egemen.KZ дереккөзінен алынған ақпаратқа сүйене отырып жаңалық таратты..
Фото: istockphoto.com
Ведомствоның мәліметінше, жаңа ақпараттық жүйе елдегі санитариялық-эпидемиологиялық ахуалды нақты уақыт режиміне барынша жақын форматта бақылауға мүмкіндік береді.
Қазіргі таңда жүйеде:
халықтың вакцинамен қамтылуы; вакциналардың қозғалысы; зертханалық зерттеулер; қауіпті өнімдердің анықталуы; нысандардың санитарлық жағдайы туралы мәліметтер цифрлық форматта қолжетімді.Министрліктің мәліметінше, вакцинация модулінде қазірдің өзінде 4 616 180 екпе алған азамат туралы ақпарат жинақталған. Бұл өңірлердегі профилактикалық екпемен қамту деңгейін дер кезінде анықтап, тиісті шаралар қабылдауға мүмкіндік береді.
Алматыда 65 адам уланған дәмханадан санитарлық заңбұзушылықтар анықталды
Алдағы уақытта Денсаулық сақтау министрлігі қоғамдық тамақтану орындары, балалар мекемелері және басқа да нысандар үшін санитарлық әл-ауқат рейтингін іске қосуды жоспарлап отыр. Бұл тұрғындарға мекемені таңдауда оның санитарлық жағдайы туралы объективті ақпаратқа сүйенуге мүмкіндік береді.
Әзірге аталған рейтингтің қашан жалпы қолданысқа енгізілетіні нақтыланбаған. Сонымен қатар министрлік медициналық ұйымдардың қызмет сапасын бақылаудың жаңа қағидаларын да қоғамдық талқылауға шығарғанын мәлімдеді.
Еске сала кетейік, бұған дейін Қандыағаш қаласындағы «Тұмар» мейрамханасына барған 102 адам тағамнан уланып қалғанын жазған болатынбыз. Оқиғаға байланысты полиция қылмыстық іс қозғап, дәмхананың санитарлық лицензиясыз жұмыс істегенін анықтаған еді.