24.KZ парақшасынан алынған ақпаратқа сәйкес, Qazaq24.com хабарлайды..
Бүгін елде бизнес-идеяларды іске асыруға арналған гранттарға өтінім қабылдау басталды. Үнемделген қаражат есебінен тоғыз өңірде 270 грант беру жоспарланып отыр. Қаржы қайтарымсыз негізде беріледі.
Елде жыл басынан бері 8 964 адам жаңа бизнес-идеяларды іске асыруға қаржы алды. Оның 5539-ы ауыл тұрғыны. 1,5 млн теңге көлемінде қайтарымсыз грант алғандардың бірі – Жетісулық Әсем Оразалинова. Көп балалы ана маусым айында жобаға өтінім қалдырған. Сөйтіп Ұлттық қол өнерді дамыту бағыты бойынша грант жеңіп алып, қаржыға заманауи шаш құралдарын сатып алды.
Әсем Оразалинова, кәсіпкер:
- Грант тек халықтың әлеуметтік осал топтарына жататын тұлғаларға беріледі. Жоба 2018 жылы бастау алған. Содан бері жыл сайын талапқа сай, кәсібімді дөңгелетем деген жанға 9 мың грант үлестіріліп келеді. Биыл мал шаруашылығына – 2228 грант, өсімдік шаруашылығына – 82 грант берілген. Ал 2 589 адам еңбек құралдарын, 3930 технологиялық жабдықтарды сатып алған. Сондай-ақ орын жайды жалға алуға – 135 қайтарымсыз грант берілген.
Аяулым Берекенова, ҚР ЕХӘҚМ халықты жұмыспен қамту департаментінің басқарма басшысы:
- Біз биыл 9 мың грант береміз деп жоспарлағанбыз. Екі потоктың қорытындысы бойынша 8964 адам грант алған болатын. Ар жағында қалған 36 грант бар. Одан бөлек бізде 1-2 поток шеңберінде грант алғандар арасында бастартып жатқандар бар. Сондай адамдардың есебінен тағы да 234 грант береміз. Сонда жалпы саны 270.
Гранттарға өтінім Business.enbek.kz порталы арқылы 3 қарашаға дейін қабылданады. Кейін үміткерлер өздерінің бизнес-жобаларын комиссия отырысында таныстырады. Онда жобаның бәсекеге қабілеттілігі, өткізу нарықтарының пысықталуы, кәсіпкерлік дағдылардың деңгейі қаралады. Артынша талапқа сай келген жандарға гранттар үлестіріледі.