Aikyn.KZ парақшасынан алынған деректерге сүйене отырып, Qazaq24.com мәлімдеме жасады..
Астанада көлік тоннелінің құрылысына байланысты Алматы көшесінің бірнеше учаскесінде жыл соңына дейін көлік қозғалысына уақытша шектеу енгізіледі, – деп хабарлайды Aikyn.kz сайты.
Қала әкімдігінің мәліметінше, шектеулер "Мәңгілік Ел" даңғылынан Сауран көшесіне дейінгі аралықта салынып жатқан көлік тоннелі жобасына байланысты енгізіліп отыр.
18 шілдеден бастап жыл соңына дейін Алматы көшесінің Ақмешіт көшесінен Түркістан көшесіне дейінгі бөлігі толықтай жабылады.
Ал 20 шілдеден бастап жылдың соңына дейін Ақмешіт көшесінен Сауран көшесіне дейінгі учаскеде де барлық көлік қозғалысы тоқтатылады.
Сонымен қатар Алматы көшесінің Сауран, Ақмешіт және Түркістан көшелерімен қиылыстары ашық болып, көліктердің жүруіне мүмкіндік беріледі.
Әкімдік жүргізушілердің қауіпсіздігін қамтамасыз ету және қозғалысты реттеу үшін аталған аумақта уақытша жол белгілері мен бағыттаушы көрсеткіштер орнатылатынын мәлімдеді.