Qazaq24.com, Aikyn.KZ дереккөзінен алынған ақпаратқа сүйене отырып мәлімет бөліседі..
Білім додасында еліміздің әр өңірінен жиналған дарынды жастар шет тілдері бойынша өзара бақ сынап, білім мен біліктіліктерін жоғары деңгейде көрсетті, – деп хабарлайды Аikyn.kz елорда әкімдігіне сілтеме жасап.
Астана қаласынан қатысқан 12 оқушы үздік нәтиже көрсетіп, қоржынға 4 алтын, 4 күміс және 2 қола медаль салды. Бұл – елордалық білім ошақтарының сапалы даярлығы мен оқушылардың табандылығының айқын дәлелі.
Ағылшын тілі пәні бойынша Дарынды қыз балаларға арналған «Білім-инновация» лицей-интернатының 11-сынып оқушысы Айша Әрінхан ІІ орын иеленсе, Canadian International School мектебінің 11-сынып оқушысы Сардар Мамлин ІІІ орынға қол жеткізді.
Француз тілі пәнінен елордалық оқушылар жоғары нәтиже көрсетті. №17 мектеп-гимназиясының 11-сынып оқушысы Ясмин Шиябиден мен №91 мектеп-гимназиясының 10-сынып оқушысы Артём Ким І орын иегері атанды. Ал Әбіш Кекілбаев атындағы BINOM SCHOOL мектеп-лицейінің 11-сынып оқушысы Баянсұлу Бағдат ІІ орынды иеленсе, №98 мектеп-лицейінің 10-сынып оқушысы Тимур Қайырбек ІІІ орынға тұрақтады.
Неміс тілі пәні бойынша да елордалықтар көш бастады. №46 мектеп-гимназиясының 10-сынып оқушысы Эвелина Сафарова мен 11-сынып оқушысы София Тыль І орын иегері атанса, осы білім ордасының оқушылары Әмір Мұстафин мен Әділхан Ахмет ІІ орынға ие болды.
Жоғары нәтижелердің арқасында Астана қаласының құрамасы республикалық олимпиаданың қорытынды кезеңінде «Ең үздік олимпиадалық команда – 2025» атағын жеңіп алды. Бұл жетістік – оқушылардың тынымсыз еңбегі мен ұстаздарының кәсіби шеберлігінің жемісі.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.