Qazaq24.com, Egemen.KZ дереккөзінен алынған мәліметтерге сүйене отырып мәлімдеме жасады..
Фото: gov.kz
Айта кетейік, бұған дейін ата-аналар әлеуметтік желілерде балалардың мектепке қабылданбауына қатысты шағымдарын айтып, кейбір өтініштердің сайт жұмысының кідіруіне байланысты кеш тіркелгенін жеткізген болатын.
Мектеп әкімшілігінің мәліметінше, бірінші сыныпқа құжат қабылдау 27 мамыр күні сағат 9:00-де басталған. Оқу ордасына балалар тұрғылықты мекенжай бойынша қабылданғанымен, орын жетіспеушілігіне байланысты бөлінген орындар алғашқы минуттарда-ақ толып қалған.
«Орыс тіліндегі сыныптарға сұраныс бөлінген орындар санынан айтарлықтай жоғары екенін ескеру қажет. Орыс сыныптарының үлесі жалпы сынып-комплектілердің шамамен 20%-ын ғана құрайды, сондықтан бос орындар, әдетте, өтініш қабылдау басталған алғашқы минуттарда-ақ толып қалады. Барлық орындары толық бөлініп қойған мектептер бойынша резервтік тізім ашылған. Ата-аналар өтініш беріп, күту кезегіне енгізіле алады», деп хабарлады BINOM School.
Сондай-ақ жауапты мекеме тізімге енгізілген ата-аналар бос орын пайда болған жағдайда кезек тәртібімен қабылданатынын жеткізді.
Еске сала кетейік, елімізде 27 мамырдан бастап барлық білім беру ұйымында 1-сыныпқа құжат қабылдау басталды.