24.KZ парақшасынан алынған ақпаратқа сәйкес, Qazaq24.com хабарлайды..
Су ресурстарын басқару және экология мәселелері бойынша Қазақстан мен Еуропалық одақ ынтымақтастығы арта бермек. Еуропарламент депутаты Катарина Неведалова Орталық Азиядағы су қорын сақтау және оны бірлесіп басқарудың маңызын атап өтті.
Оның айтуынша, өңірдегі бес ел қазірдің өзінде арнайы комитеттер құрып, суға қатысты мәселелерді бірлесіп шешу үшін тұрақты кездесулер өткізіп келеді. Ал Еуроодақ бұл жұмысты одан әрі қолдауға ниетті. Неведалова соңғы жылдары Еуропалық Одақ пен Қазақстан арасындағы қатынастар едәуір нығайғанын және еліміздің аймақтағы орнықты, сенімді әрі басты әріптес ретінде қарастырылатынын атап өтті. Ынтымақтастық экономика, шикізат ресурстары, көлік дәліздері және адам капиталы сияқты бағыттарды қамтиды. Қауіпсіздік мәселелері, сондай-ақ Еуропарламент, Қазақстан Парламенті және үкіметі арасындағы тұрақты байланыстар да диалогтың маңызды бөлігі болып қала бермек.
Катарина Неведалова, Еуропалық парламент депутаты:
- Экологиялық күн тәртібі әсіресе су ресурстарын басқару мәселесі, тек аймақ үшін ғана емес, Еуропалық Одақ үшін де өте маңызды. Біз мұны талқылауға лайық басты тақырыптардың бірі деп санаймыз. Бүкіл әлемде ресурс тапшылығы бар. Сондықтан біз қолдан келгенше көмек көрсетуге тырысуымыз керек.