Qazaq24.com, Sputnik.KZ дереккөзінен алынған мәліметтерге сүйене отырып ақпарат жариялайды..
АСТАНА, 18 маусым - Sputnik. Брюссельдегі саммиттің қорытындысы бойынша Еуропалық Одақ көшбасшылары одақтың Украинадағы қақтығысты шешуге бағытталған дипломатиялық күш-жігерді арттыруға дайын екендіктерін мәлімдеді.
Бұл туралы РИА новости жазды.
Алайда кездесудің мақұлданған қорытындысына сәйкес, олар ешқандай нақты бастамалар мен келіссөз механизмін жарияламады, делінген хабарламада.
"Еуропалық кеңес Ресейдің Украинаға қарсы басқыншылық соғысын тоқтатуға бағытталған дипломатиялық күш-жігерді толық қолдайды. Одақ бітімгершілік миссиясын күшейтіп, халықаралық құқыққа сүйенетін әділ әрі ұзақ мерзімді бейбітшілікті ілгерілету үшін дипломатиялық қатысуын арттыруға дайын екенін атап өтеді", - делінген құжатта.
Сондай-ақ мәтінде Еуропаның реттеуде "басты рөл" ойнауға ниетті екені атап өтілген.
Алайда, соңғы қорытынды сөзде Еуропалық Одақтың қандай да бір жаңа дипломатиялық бастамалары, ықтимал келіссөздер механизмі немесе ресейлік тараппен байланыстар үшін арнайы өкілді тағайындау туралы ақпарат айтылмады.