Qazaq24.com, Sputnik.KZ дереккөзінен алынған мәліметтерге сүйене отырып мәлімдеме жасады..
АСТАНА, 30 наурыз – Sputnik. Еуропалық комиссия (ЕК) Украина мен Еуропаның қорғаныс өнеркәсібін қолдауға 1,5 миллиард еуро бөлуді қарастыратын жұмыс бағдарламасын бекітті, деп жазылған ЕК сайтында жарияланған мәлімдемеде.
"Бүгін Еуропалық комиссия Еуропалық қорғаныс өнеркәсібі бағдарламасы (EDIP) аясында 1,5 миллиард еуро көлеміндегі жұмыс бағдарламасын бекітті. Бағдарлама Еуропаның қорғаныс өнеркәсібін нығайту мен модернизациялауға, өндірістік қуаттарды арттыруға және тұрақтылықты қамтамасыз етуге бағытталған", – делінген құжатта.
700 миллионнан астам еуро негізгі қорғаныс өнімдерін, оның ішінде дрондарға қарсы жүйелерді, зымырандар мен оқ-дәрілерді өндіруді арттыруға бөлінеді, оның 260 миллион еуросы тікелей Украинаға – оның қорғаныс өнеркәсібін қалпына келтіруге және модернизациялауға, сондай-ақ өндірісті кеңейтуге беріледі. 325 миллион еуро ЕС елдерінің Украина мен Норвегия қатысатын бірлескен қорғаныс жобаларына жұмсалады.
Сонымен қатар, 240 миллион еуро қару-жарақ – әуе қорғанысы мен зымыраннан қорғану жүйелері, дрондарға қарсы құралдар, сондай-ақ жердегі және теңіздегі жүйелерді бірлесіп сатып алуға бағытталады. Тағы 100 миллион еуро қорғаныс стартаптары мен шағын компанияларға, ал 35,3 миллион еуро Украина қатысатын әскери инновациялар мен украин және еуропалық кәсіпорындарды қолдауға жұмсалады.