Sputnik.KZ парақшасынан алынған деректерге сүйене отырып, Qazaq24.com мәлімдеме жасады..
АСТАНА, 9 наурыз – Sputnik. Еуропалық Одақ 2022 жылдан бері Украинаға 195 миллиард еуро көлемінде қолдау көрсетті. Бұл сомаға 90 миллиард еуро көлеміндегі әлі келісіліп жатқан кредит кірмейді. Бұл туралы Еуроодақтың дипломатия басшысы Кая Каллас Брюссельде өткен ЕО тұрақты өкілдерінің конференциясында мәлімдеді.
"Еуроодақ – Украинаның негізгі одақтасы. 2022 жылдан бері біз 195 миллиард еуро бөлдік. Бұған әлі келісу кезеңінде тұрған 90 миллиард еуро кредит кірмейді", – деді ол.
Бұған дейін Еурокомиссия басшысы Урсула фон дер Ляйен Еуроодақ қандай жағдай болса да Киевке кредит беретінін айтқан болатын. Оның сөзінше, бұл "бедел мәселесі".
Қазіргі уақытта Украинаға берілетін кредитке Венгрия қарсылық білдіріп отыр. Бұған Киевтің "Дружба" мұнай құбыры арқылы мұнай тасымалын тоқтатуы себеп болды.