Qazaq24.com, Sputnik.KZ дереккөзінен алынған мәліметтерге сүйене отырып ақпарат жариялайды..
АСТАНА, 18 наурыз – Sputnik. Францияның сыртқы істер министрі Жан-Ноэль Барро Еуропаның Украина мәселесіне қатысты Ресеймен делдалсыз байланыс орнатудан бас тартуына еш себеп жоқ екенін мәлімдеді.
Бұған дейін Барро қақтығыс аяқталғаннан кейін Еуропаға Ресеймен еуропалық қауіпсіздік архитектурасы жөнінде келіссөз жүргізуге тура келетінін айтқан еді.
"Кремльмен тікелей келіссөз жүргізу мүмкіндігін жоққа шығара алмаймыз. Украина негізінен біздің қолдауымызға сүйеніп отырғандықтан, уақыты келгенде Ресеймен делдалсыз тәуелсіз байланыс орнатудан бас тартуымызға еш негіз жоқ", – деді француз министрі Берлинде өткен іс-шарада.
Оның айтуынша, мұндай диалог Ресейдің не қалайтынын және қандай шектеулерден аспайтынын түсінуге, сондай-ақ Мәскеудің Еуропаның ұстанымын дұрыс ұғынуына көмектеседі.
Ал Ресей президентінің баспасөз хатшысы Дмитрий Песков бұған дейін Владимир Путин еуропа көшбасшыларымен тікелей байланыстан бас тартпағанын, қажет болған жағдайда оған қоңырау соғуға болатынын айтқан болатын.