Qazaq24.com, Sputnik.KZ дереккөзінен алынған мәліметтерге сүйене отырып түсініктеме береді..
АСТАНА, 6 ақпан - Sputnik. Шығытан Қазақстан облысының фермерлері әр "жоғалған" мал үшін мемлекет тарапынан бөлінген субсидияны қайтарады
Бұл жөнінде облыстық әкімдіктегі агроөнеркәсіп кешенін дамыту мәселелері талқыланған жиналыста айтылды. Оның барысында мал шаруашылығындағы инвестициялық жобалар мен мемлекеттік қолдаудың тиімді пайдаланылуын бақылауға баса назар аударылды.
Кеңесте айтылғандай, өңірде 17 инвестициялық жобадан тұратын пул қалыптастырылған.
Аймақ басшысы Нұрымбет Сақтағанов инвестициялық жобаларды сүйемелдеуге жауапкершілік тек жауапты басқармаға ғана емес, қала және аудан әкімдіктеріне де жүктелетінін айтты. Атап айтқанда, жергілікті атқарушы органдар ауыл шаруашылығы тауарын өндірушілерге барлық қажетті құжаттарды рәсімдеуде, оның ішінде бордақылау алаңдарына тіркеу нөмірлерін алуда жедел көмектесіп, толық әкімшілік қолдау көрсетуі тиіс.
"Облыс әкімі мемлекеттік субсидиялар есебінен сатып алынған мал басына қатаң бақылау орнатылуы тиіс екенін де айтты. Ауыл шаруашылығы басқармасының мамандары облыстың барлық аудандарына барып, фермерлерге негізгі талапты түсіндірді: субсидияланған мал кемінде екі жыл бойы сақталып, мақсатты түрде пайдаланылуы қажет",, - деп жазылған хабарламада.
Тексеру барысында бірқатар мәселе анықталды. Кейбір шаруашылықтарда малға тиісті күтім жасалмаған, ал жекелеген жағдайларда жануарлар етке өткізілген болуы мүмкін. Мұндай фактілер анықталған жағдайда берілген мемлекеттік субсидиялар бюджетке қайтарылуы тиіс.