Sputnik.KZ парақшасынан алынған деректерге сүйене отырып, Qazaq24.com жаңалық жариялайды..
АСТАНА, 9 тамыз – Sputnik. Финляндия қорғаныс министрі Антти Хяккянен Киевке Patriot әуе шабуылына қарсы қорғаныс жүйелеріне арналған зымырандарды бере алмайтынын мәлімдеді. Оның сөзін Ilta-Sanomat газеті жариялады.
"Біз қолымыздан келгеннің бәрін жасадық. Алайда майдан жанындағы ел ретінде әуе шабуылына қарсы қорғаныс саласындағы тұрақты жауынгерлік әзірлігімізге қауіп төндіре алмаймыз", - деді ол.
Министрдің айтуынша, қазір АҚШ-тың қару-жарақ өндіру қарқыны Еуропа үшін басты мәселе болып отыр.
"Алайда бұл жерде бюрократия мен енжарлық бар. Пентагон, яғни АҚШ Қорғаныс министрлігі өндірісті жеделдету үшін шынымен батыл шаралар қабылдауы керек", - деп толықтырды Хяккянен.
Кеше Украина басшысы Владимир Зеленский Еуропа елдерінен Patriot әуе шабуылына қарсы қорғаныс жүйелерін Украинаға беруді сұрады.
АҚШ президенті Дональд Трамп бейсенбі күні Зеленскийдің зымыран жеткізу туралы өтінішіне түсініктеме бере отырып, бұл зымырандардың АҚШ-тың өзіне де қажет екенін айтты. Сондай-ақ ол Джо Байден әкімшілігі бұған дейін Киевке орасан зор көлемде қару-жарақ бергенін еске салды.