Qazaq24.com, Sputnik.KZ дереккөзінен алынған мәліметтерге сүйене отырып ақпарат бөліседі..
АСТАНА, 7 тамыз – Sputnik. FlyArystan әуе компаниясы 2026 жылғы 1 қыркүйектен бастап Алматы – Павлодар – Алматы бағыты бойынша рейстерді қайта іске қосатынын хабарлады.
"Рейстер күн сайын орындалады. Бұл Алматы мен Павлодар арасындағы тұрақты әрі ыңғайлы әуе қатынасын қамтамасыз етеді", – делінген әуе компаниясының хабарламасында.
Компанияның мәліметінше, билеттер қазірдің өзінде әуе компаниясының ресми сайтында, FlyArystan мобильді қосымшасында және туристік агенттіктер арқылы сатылымға шыққан.
"Рейстердің қайта жандануы екі қаланың тұрғындары мен қонақтарына іскерлік сапарлар, саяхаттар және туған-туыстарымен жүздесу үшін тікелей әуе қатынасын қайта пайдалануға мүмкіндік береді", – деп атап өтті компания.
FlyArystan стандартты тарифіне салмағы 7 келіге дейін, өлшемі 56 × 23 × 36 см-ден аспайтын бір дана қол жүгі кіреді.
Сондай-ақ компания билетпен бірге қосымша қызметтерді бір мезгілде рәсімдеген жолаушылар 70%-ға дейін үнемдей алатынын еске салды.