Гранатомет, тапаншалар мен шолақ мылтықтар: Алматыда өзен бойынан жасырын орын табылды

Алматыда ұйымдасқан қылмысқа қарсы күрес басқармасының қызметкерлері қару-жарақ пен оқ-дәрі жасырылған орынды анықтады. Қойма Дархан ықшамауданындағы өзен маңынан табылған, полиция оқиға орнынан түсірілген кадрларды жариялады, - деп хабарлайды Tengrinews.kz.

"Полицейлер газ тапаншаларын, граната, сондай-ақ тегіс ұңғылы мылтық кесінділерін тапты. Барлық зат тәркіленіп, сот-баллистикалық сараптамасына жіберілді", - деп хабарлады полиция.

Алматы ПД мамандары табылған қару-жарақ пен оқ-дәрілердің қайдан келгенін, кімге тиесілі екенін, сондай-ақ бұл жасырын орынның қандай жағдайда және қашан жасалғанын анықтайтынын айтты.

Instagram-дағы бұл жарияланымды көру

Алматы қаласының ПД жарияланымы (@almaty.police)

Еске салайық, бұған дейін Балқаштағы қараусыз қалған құс фабрикасының аумағынан қаңтар оқиғасы кезінде ұрланған қару-жарақ қоймасы табылған болатын. Ықтимал жасырын орын туралы ақпаратты сотталғандардың бірі хабарлаған.

Google News арқылы жаңалықтарымызды қадағалаңыз