Халықаралық валюта қорында Қазақстан күні

Qazaq24.com, Egemen.KZ дереккөзінен алынған мәліметтерге сүйене отырып түсініктеме береді..

Халықаралық валюта қорының штаб-пәтерінде Қазақстан Республикасының халықаралық қаржы институттарымен серіктестігін тереңдету, сондай-ақ елдің мәдени мұрасын ілгерілету мақсатында ұйымдастырылған «Қазақстан күні» атты ресми іс-шара өтті.

Іс-шараға Халықаралық валюта қоры мен Дүниежүзілік банк тобының өкілдері, сондай-ақ Вашингтон қаласында тұратын отандастар қатысты. Салтанатты бөлігінде еліміздің әлеуметтік-экономикалық дамуының серпінді қарқынына, оның жаһандық қаржы-экономикалық ынтымақтастық жүйесіндегі рөлінің артып келе жатқанына ерекше назар аударылды.

Құттықтау сөзді аталған қордың атқарушы директоры Патрик Лошевски Қазақстанның Қор қызметіне қосқан үлесін жоғары бағалап, алдағы өзара іс-қимылдың негізгі басымдықтарын атап өтті. Қазақстанның АҚШ-тағы елшісі Мағжан Ілиясов халықаралық қаржы институттарымен ынтымақтастықтың елдің тұрақты дамуын қамтамасыз ету тұрғысындағы стратегиялық маңызын атап өтіп, еліміздің жаһандық экономикалық архитектурадағы сенімді әрі жауапты әріптес ретіндегі рөліне ерекше тоқталды.

Сонымен бірге Дүниежүзілік банк өкілі, Атқарушы директордың орынбасары Мариуш Круковский де пікір білдіріп, экономикалық өсуді және өңірлік дамуды көздейтін бірлескен бастамаларды кеңейту келешегіне тоқталды. Іс-шараның соңында қонақтар дәстүрлі қазақ дастарқанынан дәм татып, «Гүлдер» би ансамблінің өнерін тамашалап, домбырада орындалған классикалық күйлерді тыңдады.

Соңғы жаңалықтар

Еңбек адамы – ел дамуының негізі

Жұмысшы мамандықтар жылы • Бүгін, 08:38

Бизнесті қолдау шараларында кемшін тұстар көп

Саясат • Бүгін, 08:35

Астана әрдайым ауқымды істердің бастауында тұруға тиіс

Президент • Бүгін, 08:33

Қайраткерлік қасиет

Руханият • Бүгін, 08:30

Экономиканы әртараптандыру – стратегиялық бағыт

Экономика • Бүгін, 08:27

Тазалық міндеті мен жауапкершілігі