Tengrinews.KZ парақшасындағы ақпаратқа сәйкес, Qazaq24.com хабар таратты..
Венгриядан келген төрт турист Хорватияның Крк аралындағы танымал мейрамханалардың бірінде кешкі ас ішпек болады. Олар бос үстел күтіп, жайғасқаннан кейін құймаққа тапсырыс береді. Бірақ кешкі астың орнына олардан кетуін өтінген. Даяшы мұны сыртта кешкі ас ішкісі келетін басқа қонақтардың күтіп тұрғанымен түсіндірген, деп хабарлайды Tengri Travel Blikk сайтына сілтеме жасап.
Бұл оқиға әлеуметтік желілерде тез тарады. Біреулер мейрамхананың әрекетіне ашуланса, енді біреулер кешкі ас кезінде үлкен үстелді тек десерт жейтін қонақтарға бергісі келмейтінін айтып, мекемені жақтады.
Алайда бір маңызды жайт бар: Хорватия мейрамханаларында ең төменгі тапсырыс сомасы туралы ортақ ереже жоқ.
Кешкі астың орнына төрт құймақОқиға Крк аралындағы танымал мейрамханалардың бірінде болған. Оқиға туралы айтып берген Венгрия тұрғынының сөзінше, оның ұлы мен үш досы үстелді 10–15 минуттай күткен.
Даяшы тапсырыс алуға келгенде, төрт жас жігіттің әрқайсысы бір порциядан құймақ сұраған. Бір порцияның құны 7 еуро (шамамен 3700 теңге) болған. Нәтижесінде компания 28 еуро - шамамен 14 800 теңге төлемек болған.
Бірақ даяшы мұндай тапсырысқа таңғалған. Ол қонақтардан неліктен кешкі ас уақытында мейрамханаға келіп, тек десерт алғысы келетінін сұраған. Әйелдің айтуынша, қызметкер сыртта үстел күтіп тұрған адамдарды да нұсқап көрсеткен.
Соңында туристерден үстелді босатып, кетуін сұраған.
Бұл топ үшін күтпеген жағдай болды. Олар кетпек түгілі, тапсырыс үшін ақы төлеуге дайын болған, бірақ мейрамхана оларға қызмет көрсетпеуді ұйғарған.
Желі қолданушыларының пікірталасы: кімдікі дұрыс?Оқиға әлеуметтік желіде жарияланғаннан кейін қолданушылардың пікірі екіге жарылды.
Кейбіреулер мейрамхананың әрекетін дұрыс емес деп санайды. Олардың пікірінше, қонақ неге тапсырыс беретінін өзі шешуге құқылы.
"Мейрамханадағы даяшы үстелге отыру құқығына ие болу үшін қанша сомаға тамақ алу керектігін қашаннан бері шешетін болған?" - деп жазды желі қолданушыларының бірі.
Пікір қалдырушылардың айтуынша, 28 еуроға төрт порция құймақ - бұл тегін тапсырыс емес. Олар даяшының келушілермен сөйлесу мәнерін де сынға алды.
Басқа желі қолданушылары жағдайға мейрамхана тұрғысынан қарады. Олар адам толы мекемедегі төрт орындық үстел туралы сөз болып отырғанын еске салды. Есеп бойынша, төрт адамның толыққанды кешкі асы мейрамханаға шамамен 120–150 еуро (шамамен 63-79 мың теңге) пайда әкелер еді, ал бұл топ тек 28 еуро (шамамен 16 мың теңге) жұмсамақ болған.
"Жазылмаған ереже бар: кешкісін, адам көп уақытта, жақсы әрі толы мейрамханада адамдар әдетте кешкі ас ішеді", - деп атап өтті пікір қалдырушылардың бірі.
Желі қолданушыларының пікірінше, мәселе тапсырыстың өзінде емес, үлкен үстелді толық кешкі ас ішуді жоспарламаған топтың иеленіп алғанында болып отыр.
Кейбіреулер Италия мен Испанияда да осындай жағдайларға тап болғандарын айтты. Мысалы, кейбір мекемелерде кешкі ас кезінде тек кофе немесе сусын ішкісі келетін адамдарға үлкен үстел берілмеуі мүмкін.
Сонымен қатар көпшілік бір мәселеде келісті: мейрамхана кішігірім тапсырыс үшін үстел бергісі келмесе де, даяшы мұны байыппен түсіндіре алар еді.
Хорватияда ең төменгі тапсырыс мөлшері бар ма?Осы оқиғадан кейін тағы бір сұрақ туындады: жалпы Хорватия мейрамханаларының қонақтардан белгілі бір сомаға тамақ алуды талап етуге құқығы бар ма?
Венгриядағы Хорватия туристік қауымдастығы барлық мейрамханалар үшін ортақ ереже жоқ екенін түсіндірді.
"Ең төменгі тұтынуға келетін болсақ, мейрамханаға әрбір қонақ белгілі бір минималды сома жұмсауы керек деп міндеттейтін ортақ ереже немесе кодекс жоқ", - деді Мира Хорват.
Яғни, мемлекет әрбір келуші жұмсауға міндетті бірдей ең төменгі соманы белгілемейді.
Дегенмен, нақты бір мекеменің өз ережелері болуы мүмкін. Ең бастысы, қонақтар оларды алдын ала көріп, түсіне алуы керек.
Егер туристке әділетсіздік жасалса, не істеу керек?Егер келуші мейрамхана оның құқығын бұзды деп есептесе, алдымен тікелей мекеменің өзіне хабарласып, шағым қалдыра алады.
Егер мәселе шешілмесе, турист мекемелерді тексерумен айналысатын Хорватияның Мемлекеттік инспекциясына жүгіне алады.
Хорватия туристік қауымдастығы болған жағдайға өкініш білдіріп, бұл оқиға тек бір реттік жағдай болып қалады деп үміттенетінін мәлімдеді.
Тағы оқыңыз: Италиялық аспаздар туристердің қандай әдеттеріне ашуланатынын айтты
Google News арқылы жаңалықтарымызды қадағалаңыз
Жазылу