Qazaq24.com, Aikyn.KZ дереккөзінен алынған ақпаратқа сүйене отырып жаңалық таратты..
Йемендегі хуситтер Сауд Арабиясының астанасы Рияд пен Қызыл теңіз жағалауындағы Янбу қаласына зымырандар мен дрондармен шабуыл жасағанын мәлімдеді, – деп хабарлайды Aikyn.kz сайты.
Хуситтердің әскери өкілі Яхья Сарианың мәлімдеуінше, шабуыл кезінде баллистикалық және қанатты зымырандар, сондай-ақ ұшқышсыз ұшу аппараттары қолданылған. Оның сөзінше, Риядтағы нысандар мен Янбу қаласындағы Saudi Aramco мұнай компаниясының нысандары көзделген.
Сауд Арабиясы билігі Риядқа бағытталған баллистикалық зымыранның әуе қорғанысы жүйесі арқылы жойылғанын хабарлады. Сондай-ақ Биша, Таиф, Фарасан және Янбу қалаларына жасалған шабуылдардың жолы кесілген.
Риядтағы халықаралық әуежай маңында жарылыс даусы естіліп, кейін қою қара түтін көтерілген. Reuters мәліметінше, әуежай маңындағы жанармай сақтау аумағында жалын мен түтін байқалған. Сауд Арабиясы билігі зардап шеккендер немесе келтірілген залал туралы хабарлаған жоқ.
Қауіпке байланысты Рияд пен Әл-Харджда тұрғындарға ескерту жасалып, кейін қауіп сейілген соң шектеулер алынды.