Sputnik.KZ парақшасынан алынған деректерге сүйене отырып, Qazaq24.com мәлімдеме жасады..
АСТАНА, 13 маусым – Sputnik. Халықаралық валюта қоры (ХВҚ) бекітілген кредит бағдарламасы аясында Украинаға бөлінуге тиіс шамамен 690 миллион доллар көлеміндегі қаржыны кем дегенде жарты айға кешіктіріп отыр. Бұл туралы қордың ресми хабарламасында айтылған.
12 маусым, жұма күні ХВҚ 690 миллион доллар көлеміндегі жаңа кредит траншын бөлу жөнінде Украина билігімен алдын ала келісімге қол жеткізгенін мәлімдеді.
Алайда қаражатты Киевке аудару үшін ХВҚ басшылығының мақұлдауы қажет. Осыдан кейін ғана қаржы бөлінеді. Сонымен қатар халықаралық ұйымның директорлар кеңесінің отырысы маусым айының ортасына дейін өтпейтіні белгілі болды.
Қазіргі уақытта Киевтің қор қаражатын нақты қашан алатыны белгісіз күйінде қалып отыр.
Бұған дейін ХВҚ басшылығы Украинаға төрт жыл мерзімге 8,1 миллиард доллар көлеміндегі жаңа кредит бағдарламасын мақұлдаған болатын. ХВҚ басшысы Кристалина Георгиева Украинаға берілетін жаңа кредит бойынша тәуекелдің өте жоғары екенін айтты. Оның сөзінше, қарызды өтеу сыртқы көмектің көлеміне және Украина билігінің іс-әрекетіне байланысты болады.