Qazaq24.com, Tengrinews.KZ дереккөзінен алынған ақпаратқа сүйене отырып мәлімет бөліседі..
Таяу Шығыста жағдай қайта ушықты. Иранның Tasnim агенттігі Тегеран Ливан мен Газадағы Израиль операцияларына байланысты АҚШ-пен келіссөздерді тоқтататынын хабарлады, деп хабарлайды Tengrinews.kz тілшісі.
Таяу Шығыста жағдай қайта ушықты. Иранның Tasnim агенттігі Тегеран Ливан мен Газадағы Израиль операцияларына байланысты АҚШ-пен келіссөздерді тоқтататынын хабарлады, деп хабарлайды Tengrinews.kz тілшісі.
Израиль Бейрут ауданына соққы жасадыN12 телеарнасының мәліметінше, Израильдің солтүстігіне жасалған жаңа шабуылдардан кейін Израиль мен Ливан шекарасындағы жағдай шиеленісе түскен. Премьер-министр Биньямин Нетаньяху мен Қорғаныс министрі Исраэль Кац армияға Бейруттың оңтүстік маңындағы "Хезболланың" позициялары мықты Дахия ауданындағы нысандарға шабуыл жасауды тапсырды.
Израиль билігі бұл шешімнің бітімгершілік режимін бұзу және Израиль қалаларына жасалған шабуылдардан кейін қабылданғанын мәлімдеді. Иерусалимдегі дереккөздер Бейруттағы операция Вашингтонмен үйлестірілгенін алға тартады.
Иран реакция білдірдіБейрутқа жасалған соққыларға Иран дереу үн қатты. Tasnim ақпарат агенттігі Тегеран келіссөздер тобы АҚШ-пен хабарлама алмасуды тоқтатқанын хабарлады. Иран тарапының нұсқасы бойынша, Ливан атысты тоқтату шарттарының бір бөлігі болған, сондықтан Тегеран Бейрутқа жасалған соққыларды келісімдерді бұзу деп санайды.
Сонымен қатар Tasnim Иран мен оған байланысты күштер Ормуз бұғазын жабу мүмкіндігін және Баб-эль-Мандеб бұғазы ауданындағы іс-қимылдарды жандандыруды қарастырып жатқанын жазады.
АҚШ және делдалдарИран келіссөздердің тоқтатылғанын мәлімдеп жатқанда, Тегеран мен Вашингтон арасындағы әскери шиеленіс те ұлғайып келеді. АҚШ армиясының Орталық қолбасшылығы Кувейттегі америкалық күштерге бағытталған ирандық екі баллистикалық зымыранды АҚШ күштері атып түсіргенін мәлімдеді. БАҚ мәліметінше, Иранның Ислам революциясы сақшылар корпусы шабуылды АҚШ-тың Ирандағы нысандарға жасаған соққыларына жауап деп атап, жауапкершілікті өз мойнына алды.
Жағдайдың ушығуы аясында делдалдар шиеленісті азайтуға тырысып жатыр. Ливанның LBC телеарнасы Мысыр Израиль мен "Хезболла" арасындағы атысты тоқтату үшін қарқынды байланыс жүргізіп жатқанын хабарлады. Телеарна мәліметінше, бұл келіссөздер әзірге нәтиже берген жоқ.