Qazaq24.com, Tengrinews.KZ дереккөзінен алынған мәліметтерге сүйене отырып ақпарат жариялайды..
Бейсенбі күні Иран әскерилері Бахрейндегі Шейх-Иса америкалық әскери базасына соққы жасады. Бұл туралы Иранның Ислам революциясы күзетшілер корпусының (ИРКК) мәлімдемесінде айтылған, деп хабарлайды Tengrinews.kz тілшісі РИА Новостиге сілтеме жасап.
"Иран армиясының ұшқышсыз ұшу аппараттары АҚШ армиясының электр генераторларына, навигациялық жүйелеріне, сондай-ақ әкімшілік және қосалқы инфрақұрылымына соққы жасады", - деп мемлекеттік телерадиокомпания ИРКК мәлімдемесінен үзінді келтірді.
Бұған дейін Иран Иорданиядағы Аль-Азрак америкалық базасына және Кувейттегі АҚШ-тың Али ас-Салем әскери базасына соққы жасағаны туралы хабарланды. ИРКК мәліметінше, шабуыл салдарынан үш F-35 ұшағы, ҰҰА-ға арналған екі ангар, отын қоймасы жойылып, бірнеше американдық әскери қызметші, техникалық және қызмет көрсетуші персонал қаза тапқан.
Таяу Шығыстағы америкалық базаларға жасалған шабуылдар бейсенбіге қараған түні АҚШ қарулы күштері жүзеге асырған Ислам Республикасына жасалған кезекті соққылар толқынына жауап болды.
Сол кезде Орталық қолбасшылық (CENTCOM) Иран аумағындағы ондаған нысананы, соның ішінде командалық орталықтарды, зымырандық және ұшқышсыз қару-жарақ нысандарын, жағалаудағы бақылау және қорғаныс бекеттерін, сондай-ақ теңіздегі нысаналарды жойғанын мәлімдеген болатын.
Эскалацияның жаңа кезеңі тараптар қақтығысты тоқтатуды көздейтін меморандумға қол қойғаннан кейін небәрі үш апта өткенде болды. Өткен жұмада Дональд Трамп шабуылдарды тоқтата тұруға бұйрық берген еді, алайда сәрсенбіге қараған түні ирандық тарап Вашингтонның қайталанған агрессиясына жауап ретінде кезекті іс-қимылдар жасалғанын мәлімдеді.
Google News арқылы жаңалықтарымызды қадағалаңыз
Жазылу