Qazaq24.com, Egemen.KZ дереккөзінен алынған мәліметтерге сүйене отырып ақпарат бөліседі..
Фото: BILD
«Бүгінде Иран Ислам Республикасы АҚШ жүргізіп отырған толық ауқымды соғысқа тап болып отыр», деді ол.
Тегеранның мәліметінше, шабуылдар енді елдің оңтүстігімен ғана шектелмей, орталық және солтүстік-батыс өңірлеріне де жалғасып жатыр.
Иран билігі Тебриз қаласына жасалған шабуыл салдарынан кемінде бір адамның қаза тапқанын хабарлады. Сонымен қатар Бушердегі нысандар мен Дарховинде салынып жатқан атом электр станциясына да соққы берілгені айтылды.
АҚШ президенті Дональд Трамп соңғы шабуылдар «қаза тапқан америкалық әскери қызметкерлердің құрметіне» жасалып жатқанын мәлімдеді. АҚШ деректеріне сәйкес, соғыс басталғалы бері 17 америкалық әскери қаза тапқан. Ал Иран тарапы 50 адамның көз жұмғанын және 500-ден астам адамның жараланғанын хабарлады.
Сонымен қатар Ормұз бұғазындағы жағдай да күрделене түсті. Иран Ислам революциясы сақшылары корпусы жарылыстардан кейін екі танкердің ұсталғанын мәлімдеді. Ал Ұлыбританияның теңіз қауіпсіздігі қызметі снаряд тиген жүк кемесінде өрт шыққанын хабарлады.
«Бұл су жолының Иранның қауіпсіздігі мен ұлттық мүдделеріне қайтадан қауіп төндіру үшін пайдаланылуына жол бере алмаймыз», деді Иран Сыртқы істер министрлігінің өкілі Исмаил Бағаи.