Qazaq24.com, Aikyn.KZ дереккөзінен алынған ақпаратқа сүйене отырып жаңалық таратты..
BBC News хабарламасына сүйенген Aikyn.kz үлкен қаланың сауда орталығына қасқыр қайдан келгенін түсіндіреді.
Жұртшылықты дүрліктірген оқиға дүйсенбі күні (30 наурыз) кешке қала орталығындағы IKEA дүкенінің маңында болған. Болжам бойынша, әйел бағдарын жоғалтқан жануарды сауда көшесінен қуып жібермек болған. Жергілікті тұрғындардың айтуынша, қасқыр әйелдің бетін тістеп, қашып кеткен. Әйел ауруханаға жеткізілген, кейін үйіне шығарылған.
Сарапшылардың айтуынша, бұл – Германияда қайта көбейе бастағанына ондаған жыл өткеннен кейін тіркелген қасқырлардың адамға алғашқы шабуылы.
«1998 жылы реинтродукция бағдарламасы басталғалы мұндай жағдайлар болған емес», – деп мәлімдеген German Federal Agency for Nature Conservation агенттігінің өкілі.
Дүйсенбі күні кешке қарай қасқыр Binnenalster көлінде байқалған. Полиция оны арқанның көмегімен судан шығарып алды. Алайда жануар қарсыласып, қалқанмен қаруланған полиция қызметкерлері оны ұстауға шамамен бір сағат уақыт жұмсаған.
Гамбургтің қоршаған орта, климат, энергетика және ауыл шаруашылығы министрлігінің (Bukea) өкілі Matthias Hilge соңғы күндері қаланың батыс бөлігінде қасқыр бірнеше рет байқалғанын айтады. Оның сөзінше, қасқыр қауіпсіз жерде және оған ветеринарлық көмек көрсетілуде. «Bukea жырқышқа қатысты келесі қадамдарды сарапшылармен кеңескеннен кейін жақын уақытта анықтайды», – дейді ол.Қасқырлар Германияға 150 жылдай жоғалып кеткеннен кейін 1989 жылы қайта орала бастаған. Алғашында бірнеше дарақ Польша арқылы келген. Бүгінде олар Германияның көптеген өңірлеріндегі ормандарда мекендейді.
Өткен аптада Германия парламентінің жоғарғы палатасы (Bundesrat) қасқырларды атуға рұқсат беретін заңнамалық өзгерістерді мақұлдады. Федералдық аңшылық туралы заңға сәйкес, енді қасқырларды олардың санын реттеу және қойлар мен басқа да малды қорғау мақсатында аулауға болады. Германияның қоршаған орта министрі Carsten Schneider қасқырлардың «елде қалуына мүмкіндік беру қажет» екенін айтады.
«Мәселе қасқырды қайтадан қуып жіберуде емес. Онымен бейбіт қатар өмір сүрудің тиімді жолдарын табуда», – дейді ол.
Қасқыр аулау маусымы 1 шілдеден 31 қазанға дейін рұқсат етіледі.