Arasha.KZ парақшасынан алынған деректерге сүйене отырып, Qazaq24.com жаңалық жариялайды..
Иранда Ислам революциясы сақшылары корпусының (КСИР) арнайы "Аль-Кудс" бөлімшесін бұрын басқарған генерал Исмаил Каани Израильдің "Моссад" барлау қызметіне тыңшылық жасады деген күдікпен өлім жазасына кесілген деген хабар тарады. Бұл туралы алғаш болып Nationalnews басылымы хабар таратты, деп жазады Arasha.kz.
Басылымның мәліметінше, Иран АҚШ пен Израильмен әскери шиеленіс жағдайында болғандықтан, генерал Каанидің тағдыры қайтадан қоғам назарында талқыланып жатыр. Әлеуметтік желілер мен интернетте КСИР оны ұстап, тіпті өлім жазасына кескені туралы расталмаған ақпараттар тарауда.
Сонымен қатар бірлескен америкалық-израильдік операция кезінде Иранның жоғарғы көшбасшысы аятолла Әли Хаменей мен қауіпсіздік құрылымдарының бірнеше жоғары лауазымды өкілі қаза тапқаны айтылды. Ал Каанидің аман қалуы оған қатысты күдіктердің туындауына себеп болған.
Израиль армиясы (ЦАХАЛ) әлеуметтік желідегі X платформасында жариялаған хабарламада Исмаил Каани бұған дейін КСИР тарапынан "Моссадпен байланысы бар" деген күдікпен ұсталғаны айтылған.
Хабарламада генерал америкалық-израильдік бомбалау кезінде Хаменеймен бірге болғаны, бірақ сол шабуылдардан аман қалып, кейін жасырынғаны да көрсетілген.
Дегенмен бұл ақпараттардың бір бөлігі ресми түрде толық расталмағаны атап өтіледі.