Qazaq24.com, Aikyn.KZ дереккөзінен алынған ақпаратқа сүйене отырып жаңалық таратады..
Ішкі істер министрлігі Исматулла Мақсұмға қатысты жарияланған мәліметтер бойынша сотқа дейінгі тергеу басталғанын айтты, – деп хабарлайды Aikyn.kz сайты.
Бұған дейін әлеуметтік желілер мен YouTube арналарында сопылық бағыттағы діни жамағаттың жетекшісі Исматулла Мақсұмға қатысты жасөспірімдерге жыныстық сипаттағы қысым көрсетілгені жөнінде айыптаулар тараған. Бұл мәлімдемелер қоғамда қызу талқыланды.
Aikyn.kz сайтының сауалына жауап берген Ішкі істер министрлігі жарияланған деректерге қатысты сотқа дейінгі тергеу басталғанын растады.
«Жарияланымдағы деректерге қатысты сотқа дейінгі тергеу басталды. Оның аясында барлық мән-жай тексерілетін болады. ҚПК-нің 201-бабына сәйкес өзге ақпарат жариялауға жатпайды», – делінген министрліктің жауабында.
Осылайша, қазіргі уақытта құқық қорғау органдары жарияланымдарда айтылған мәліметтерді тексеріп жатыр. Тергеудің басталуы Исматулла Мақсұмға ресми түрде күдік келтірілгенін немесе оның кінәсі дәлелденгенін білдірмейді. Істің өзге мән-жайлары әзірге жарияланған жоқ.