Kaspi Gold картасының жылдық қызмет көрсету ақысы қымбаттай ма?

Egemen.KZ парақшасынан алынған деректерге сүйене отырып, Qazaq24.com жаңалық жариялайды..

Әлеуметтік желіде Kaspi bank-тің Kaspi Gold картасы мен Kaspi Pay шоттары бойынша жылдық қызмет көрсету тарифтерінің бағасы көтерілетіні туралы ақпарат тарады, деп жазады Egemen.kz.

Фото: Kaspi.kz

Жарияланымдағы мәлімет бойынша, 2026 жылдың 31 наурызынан бастап Kaspi Gold картасының жылдық қызмет көрсету құны – 10 000 теңге, картаны қайта шығару 10 000 теңге көлемінде ақылы қызметке айналады, өзге банктердің карталарына жасалған аударымдар үшін 5% (кемінде 200 теңге) комиссия ұсталады, ал қолма-қол ақша шешіп алу комиссиясы 5%-ға дейін өсетіні жазылған.

Банктер туралы жаңа заңға байланысты депозиттерге кепілдік беруде не өзгереді?

Сонымен қатар Kaspi Pay шоттарын ашу және ай сайын қызмет көрсету ақысы 15 000 теңге болып, ал өзін-өзі жұмыспен қамтығандар үшін 300 000 теңгеден асатын операцияларға қосымша 5% көлемінде комиссия енгізілетіні хабарланған.

Десе де компания өкілдері тараған ақпараттың шындыққа сай келмейтінін, жаңа тарифтер енгізілмейтінін мәлімдеді.

Барлық сатылым үшін кешбэк: Қай банктер жомарттық танытады?

«Клиенттер мен серіктестеріміз үшін тарифтер мен қызмет көрсету шарттары өзгеріссіз қалады. Интернетте Kaspi.kz тарифтері мен Kaspi Gold картасының жылдық қызмет көрсетуі мен қайта шығарылу құны, Kaspi Pay шарттары және өзге банктердің карталарына аударым комиссиясы өзгереді деген ақпарат тарады. Бұған жаңартылған заңдық құжаттың қате түсіндіріліуі себеп болды. Қандай да бір өзгерістер болып жатса, біз бұл туралы әрдайым алдын ала әрі ашық түрде хабарлаймыз», делінген компания мәлімдемесінде.

Kaspi.kz өкілдері тарифтер мен қызмет көрсету ережелеріндегі барлық өзгеріс тек банктің ресми сайтында және қосымшасында жарияланатынын ескертіп отыр.