Кейбірінің 60 жылдық тарихы бар: бір күнде тоғыз жаңартылған вокзал ашылды

АЛМАТЫ, 31 шілде – Sputnik. Қазақстанның бес өңірінде жаңғыртудан өткен 9 теміржол вокзалы бір күнде пайдалануға берілді, деп хабарлайды Көлік министрлігі.

Атап айтқанда, 29 шілдеде Атырау облысында:

Мақат,

Сағыз,

Доссор станциялары,

Алматы облысында:

Шамалған,

Қазыбек бек станциялары,

Қарағанды облысында:

Дария,

Мырза станциялары,

Қызылорда облысында:

Сексеуіл станциясы,

Қостанай облысында:

Железорудная станциясы ашылды.

Мақат, Сағыз және Доссор станцияларында ғимараттардың тірек конструкциялары, шатырлары мен қасбеттері жаңартылып, инженерлік желілері ауыстырылды. Сондай-ақ жаңа жиһаздар мен заманауи жабдықтар орнатылды.

Жаңартылған Мақат теміржол вокзалы 1966 жылы салынған. Бұл станция арқылы Қазақстанның өзге өңірлеріне, сондай-ақ Ресей, Өзбекстан және Тәжікстан бағыттарына қатынайтын 26 жолаушылар пойызы өтеді.

Ал 1973 жылы салынған Сағыз вокзалының аумағы 249 шаршы метрден 348 шаршы метрге дейін ұлғайды. Станция арқылы 12 жолаушылар пойызы қатынайды.

Жалпы Қазақстан бойынша 124 теміржол вокзалы жаңғыртылып, жөндеу жұмыстары жүргізілді.