Sputnik.KZ парақшасынан алынған деректерге сүйене отырып, Qazaq24.com хабарлама жасады..
АСТАНА, 8 қазан – Sputnik. Үкімет жәрдемақыларды тағайындау шарттарын бекітті.
Қаулыға сәйкес, тізімге 10 түрлі жәрдемақы енгізілді. Олар:
бала тууына байланысты берілетін біржолғы мемлекеттік жәрдемақы;
бала күтіміне байланысты ай сайынғы мемлекеттік жәрдемақы;
көпбалалы отбасыларға берілетін ай сайынғы мемлекеттік жәрдемақы;
марапатталған көпбалалы аналарға берілетін ай сайынғы мемлекеттік жәрдемақы;
мүгедектік бойынша мемлекеттік әлеуметтік жәрдемақы;
асыраушысынан айырылу жағдайы бойынша мемлекеттік әлеуметтік жәрдемақы;
арнаулы мемлекеттік жәрдемақы;
бірінші топтағы мүгедектігі бар адамға күтім жасайтын адамдарға берілетін мемлекеттік жәрдемақы;
мүгедектігі бар баланы тәрбиелеп отырған адамдарға берілетін мемлекеттік жәрдемақы;
арнаулы кәсіптік мемлекеттік жәрдемақы.
Жәрдемақылар отбасының әлеуметтік әл-ауқатын объективті бағалау негізінде мұқтаждық қағидаты бойынша беріледі. Кейбір жәрдемақы түрлеріне бұл талап қолданылмайды.
Сонымен қатар жәрдемақыларды, сондай-ақ жерлеуге арналған біржолғы төлемді алу құқығы әдістемеге сәйкес әлеуметтік әл-ауқаты жоғары ("А" деңгейі) және ауқатты ("В" деңгейі) санаттарына жатқызылған адамдарға берілмейді.
Жәрдемақы алу үшін азаматтар дербес деректерді, оның ішінде банктік және заңмен қорғалатын өзге де құпия мәліметтерді жинауға және өңдеуге келісім беруі қажет. Сондай-ақ кредиттер мен қарыздарға қатысты мәліметтер де ескеріледі.
Қаулы 2027 жылғы 1 қаңтардан бастап қолданысқа енгізіледі.
Үкімет қаулысының толық мәтінімен мына сілтеме арқылы танысуға болады.