Qazaq24.com, Sputnik.KZ дереккөзінен алынған мәліметтерге сүйене отырып ақпарат жариялайды..
АСТАНА, 22 желтоқсан – Sputnik. Жаңа Салық кодексінің күшіне енуіне және арнайы салық режимдеріндегі өзгерістерге байланысты оңайлатылған декларация негізінде жұмыс істейтін салық төлеушілер 2026 жылғы 1 қаңтардан 1 наурызға дейін салық салу режимі туралы хабарлама ұсынуы қажет, деп хабарлады Мемлекеттік кірістер комитеті.
Салықшылардың бұл үндеуі қазіргі уақытта:
оңайлатылған декларация негізінде,
бөлшек салық режимінде,
тіркелген шегерім қолданылатын режимде жұмыс істейтіндерге қатысты.
Хабарламаны тапсырған салық төлеушілер 2026 жылғы 1 қаңтардан бастап осы режимді қолданушы болып есептеледі.
Хабарламаны беру жолдары (2026 жылғы 1 қаңтардан бастап):
Салық төлеушінің кабинеті (ИСНА) арқылы → "Құжаттарды тапсыру" → "Қолданылатын салық салу режимі туралы хабарлама" (ЭЦҚ-мен);
E-Salyq Business мобильді қосымшасы арқылы;
ірі банктердің мобильді қосымшалары арқылы;
қағаз түрінде – орналасқан жері бойынша Мемлекеттік кірістер басқармасына.
Хабардар ету үшін Мемлекеттік кірістер комитеті жаңа Салық төлеушінің кабинетіне қадамдық нұсқаулықпен бірге push-хабарлама жібереді.
Егер өтпелі кезеңде салық салу режимі таңдалмаса және хабарлама ұсынылмаса, жалпыға бірдей белгіленген салық салу режиміне автоматты түрде көшіру мүмкін.